三文魚
02
Aug 17
00:26
博客

【食勻全日本!】激正海鮮刺身丼物店10選!

小編去親日本嘅最終目的都係食、食同食!而喺眾多美食當中,最愛嘅一定係可以同時食到多款不同海鮮刺身嘅「海鮮丼」!今次為大家推介小編to go list入面嘅其中10間,唔知睇完之後又會有幾多間變成大家下次去日本嘅目標呢?   1. くまげら@富良野 「ぐまげら」係米芝蓮指南內嘅推介食肆,除咗質素高,營業至深夜11點都算係其中一大特點。嚟到呢度一定要試真正入口即化嘅「和牛刺身丼」,丼飯一上枱簡直係視覺衝擊,和牛顏色極之粉嫩,size剛好一塊一啖,油脂分佈得極之平均,口感滑如拖羅,一入口嘅究極滋味真係好令人感動! 詳細介紹:【 富良野鄉土料理名店!必食「 極品 和牛 刺身丼 」!】   2. 一里塚@神奈川 自問去親旅行都會變成大胃王嘅你,以極平民價錢就可以食到超多料超大碗海鮮丼嘅小店「一里塚」,一定會成為check list入面嘅其中一間!海鮮丼嘅食材會因應店主當日入咩貨而定,眼見最少有5種鮮魚刺身,好彩的話仲可以食到一大篤鮮甜海膽,男士們都可以食到飽一飽! 詳細介紹:【窮遊必到!1500円就食到神奈川縣超大碗「豪華刺身丼」!】  
15
Feb 17
02:39
博客

【齋食早餐都覺得回本!】 北海道「勝手丼酒店」3選!

住酒店除咗地點同房間質素,小編最關心嘅就係早餐有咩好嘢食!喺北海道,好多酒店嘅早餐都可以食到新鮮海鮮,所以今次就為大家介紹3間可以食到「勝手丼」嘅酒店,等大家一擘大眼就可以食到超豐富早餐,食完包你一整天都有好心情!    1. 天然温泉 灯の湯PREMIUM dormy INN      第一間就係位於小樽嘅「灯の湯」,同小樽站只有一分鐘步行距離,超方便!附近又有勁好行嘅「驚安の殿堂」,夜晚食完飯都仲可以逛返圈掃吓貨!至於房間就同一般酒店分別不大,細細地但又唔會覺得好迫狹,起碼打開咗件行李,仲有空間可以行。而講到小編嘅最愛,就一定係呢度嘅餐飲,唔單止早餐超豐富,浸溫泉仲可以食免費蕎麥麵,所以喺呢度留宿一定長時間都係keep住滿腹嘅狀態......  
13
Oct 16
23:23
博客

【食乜好】東京站勁誘惑駅弁

「駅弁」即係喺車站買到嘅便當,對於要搭長途車嘅日本人嚟講可以話係旅途中不可或缺嘅必須品。   而由於東京係一個大站,有「新幹線」同「在來線」等唔同線路連接日本各地,車程閒閒哋都幾個鐘,所以喺東京站範圍自自然有好多唔同款式嘅駅弁,等乘客喺旅途中都可以享受到優質美食。   不過如果唔想騰嚟騰去物色駅弁,推介你地去一個地方,就係位於JR東京站入面一樓中央通路嘅「駅弁屋 祭」,入面有來自日本全國各地嘅駅弁,總共有成170款咁多,每一個賣相都相當吸引,下次行過就算唔係要搭長途車都可以買返酒店做宵夜~     1. ひっぱりだこ飯 ¥1,000     呢個係神戶超出名嘅明石章魚便當,喺神戶嗰邊出名到想食就要先預約,如果去到舖頭先諗住買基本上係唔會買到嘅,不過喺呢度當然係唔同講法啦,輕輕鬆鬆就買到,爽!   呢個便當最特別嘅地方係用瓦樽嚟裝,連樽身都刻咗隻章魚喺度,好精緻!樽入面除咗有章魚之外,仲有海鰻同季節性蔬菜。飯已經事先調好味,章魚好爽口,所有食材嘅口感同味道都好match,難怪喺神戶咁搶手!   一打開個蓋就見到好大隻章魚等緊我食佢落肚!  
12
Oct 16
01:05
博客

【食乜好】東京超滿瀉絕品料理5選

有冇試過因為道料理太過好食,食到見哂底都仲未夠喉? 生咗大食積嘅你地有福啦,今次將會為你地介紹5道喺東京食到嘅超滿瀉絕品料理,我敢寫包單,今次一定係你一生中覺得最飽足嘅一餐!   1. かぶ丼@くいしんんぼうがぶ (¥1,300)     呢碗牛肉飯係呢間餐廳嘅名物,牛肉舖到滿哂都不特止,仲垂哂出去個碗出面添!店方話呢碗飯嘅肉有180g重,數一數足足有成50塊牛肉,真係好誇張啊。啲牛肉睇落雖然好似乾柴柴,但其實師傅火侯掌握得好好,每一塊都係呈現粉紅色,食落口超級JUICY,加埋啲胡椒粒吊味,肉味更加突出!留意返,呢間餐廳每日都有超多人為咗呢碗牛肉飯而嚟,所以好早就會賣哂,有心嚟食就記得早少少啦!   喺武蔵小山站行5分鐘倒就會見到呢間舖㗎啦!   如唔想試多幾種唔同肉,可以點呢個「五種の肉ちらし」,肉量一樣係好驚人!   くいしんぼう がぶ 地址:東京都目黑區目黑本町 3-7-9 電話:03-5722-1766 營業時間:11:30~13:30、18:00〜21:30 休息:星期六   ================= 2.
05
Mar 16
04:01
新聞

400yen都唔洗就食飽飽

因為我好中意「濕平」同追星,但又唔係好多錢,所以唯有食平d~ 限住自己一日只用1000yen食飯~~~ 岩岩夜晚呢餐,我就去左附近超市搵食喇~     夜晚唔可以無飯落肚,所以我就去左睇下有咩平既sushi食喇~ 發現有三文魚壽司卷!而且只係100yen!!計埋稅都只係108yen咋!!!     雪櫃入面放左d兜兜係到,自己用旁邊既鉗仔去夾sushi落兜兜到就ok架喇~ 睇開我寫野既朋友應該都知道我一向重口味,所以點可以唔食呢d炸野呢?     超多選擇,任君選擇~ 有炸蝦、炸豬排、炸蕃薯、炸雞排、烤豬肉串、炸魚柳、炸三文魚…… 真係好多好多,我企係到諗左好耐(因為我有選擇困難症XD)     當係到諗食炸豬肉串定炸雞排好時,再望望隔離既炸三文魚~ 同樣價錢,梗係食炸三文魚啦!!! 另外,我都揀左件炸豬排~~