‎日本娛樂新聞‬
25
May 17
18:18
新聞

J家偶像組合KAT-TUN前成員 田中聖涉藏大麻被捕

人氣組合KAT-TUN嘅前成員田中聖於5月24日涉嫌藏有大麻於澀谷被捕。據悉田中聖否認指控。 根據警視廳資料所知,日本警察於當日下午6時左右截停田中聖駕駛嘅車輛,問問題之際發現車內司機位於副駕位之間發現大麻,而當時田中聖係一個人嘅。不過田中聖否認大麻屬於自己。 資料來源:Yahoo! JP,ANN News
10
Apr 17
04:57
新聞

【已確認消息】佐佐木希親自承認 即將與渡部建結婚!

又一個女神要榮升人妻啦~前幾日有週刊傳佐佐木希(29歲)同廣告商透露即將與搞笑藝人UNJASH嘅渡部建(44歲)拉埋天窗。 就係啱啱,當事人喺電視節目《行列のできる法律相談所 》直播上確認呢個消息,佐佐木希仲喺IG上傳sweet到爆合照,真係恭喜晒兩位當事人呀!     私、渡部は佐々木希さんと結婚します! 結婚! おめでとうございます㊗️#行列のできる法律相談所 pic.twitter.com/htotjh6rL8 — ばいばいきーん03 (@miu_ray) 2017年4月9日   其實之前佢哋已經被雜誌影到同居,但二人都冇承認或否認戀情,估唔到半年唔夠仲宣佈埋結婚嘅消息。佐佐木希前排先出完頗性感嘅寫真集,唔少粉絲都話可能係封山之作! 佐佐木希仲喺IG向fans道歉,話一直以來都未有機會向大家談及戀愛嘅事,真係非常抱歉。傻豬嚟嘅,見到女神開心,一眾粉絲即使傷心都會含淚祝福嘅TvT  
07
Mar 17
02:54
新聞

昔日女神小倉優子證實與出軌老公離婚

昔日瘋魔萬千少男嘅水着女星小倉優子(33歲)終於落實同佢個星級髮型師老公菊地勲氏離婚。舊年8月佢老公被文春踢爆於小倉優子二度懷孕時同佢嘅同門師妹馬越幸子偷食,引起一時轟動(詳情按此)。最後呢對夫妻都係走上結束5年5個月嘅婚姻之路。 小倉優子尋日首度於產後復出錄影,並大方提及自己已離婚一事,佢承諾會努力兼顧養育兩個兒子及佢嘅事業,即使成為單親媽媽亦都會堅強地生活落去。佢嘅事務所亦證實兩位小朋友嘅監護權歸佢所有。 雖然網上有傳佢向丈夫索取7000萬日圓嘅贍養費,但佢就於自己網誌上否認。據知情人士透露,佢並冇向前夫索取任何贍養費,不過菊地都承諾會負責付上養育費支持兩位兒子嘅成長。 希望小倉優子走出離婚嘅傷痛,可以努力兼顧做媽媽同藝人嘅生活啦! 資料來源:Livedoor News
01
Mar 17
18:33
新聞

堀北真希正式宣布退出娛樂圈!!

為照顧心愛家庭 當全職媽媽
突發! 人氣氣質派女演員堀北真希(28歲)於2月28日正式從藝能界引退。3月1日佢同個所屬事務所向粉絲及工作上嘅相關人仕發表親筆撰寫嘅信件致謝。 信中內容提及佢本人想全心全意守護家族,並指佢而家同老公及已出世嘅孩子過得非常幸福。40歲嘅老公山本耕史亦尊重佢嘅決定。 以下為中譯信件內容: 今次,我已經下定決心要從從事至今嘅工作中抽離。 現在嘅我已經身為人母,每日都幸福地同最愛嘅家人生活。 我想全心全意地去守護呢份溫暖、無可替代嘅幸福。 同丈夫商量之後,佢都尊重我嘅心情。 自此起我哋兩個會合力繼續建築一個充滿愛嘅家庭。 一直支持我嘅各位粉絲、 曾經工作上關照過我嘅相關人仕, 呢14年嚟真係好美好,真係非常感謝你哋。 2017年2月28日 堀北真希 ---------------------------- 堀北真希於2003年成功從甄選中突圍而出,獲得演出電影《COSMIC RESCUE》並出道嘅機會。2005年主演超人氣日劇《野豬大改造》、2007年主演《花樣少年少女》,於帥氣男星飾演偶像劇亦毫不失色,演技受到好評。2015年8月與曾經瘋狂追求佢嘅山本耕史閃電結婚,2016年12月產子。 雖然會掛住佢,不過真心替女神感到欣慰,
26
Feb 17
22:38
新聞

櫻井翔熱戀美女主播 電視台:早收到報告 會結婚的吧

35歲嘅人氣天團嵐嘅成員櫻井翔同朝日電視台嘅女主播小川彩佳(32歲)嘅熱戀報道喺25日傳出後引來極大迴響。櫻井翔於日本電視台主持晚上11時嘅新聞節目「NEWS ZERO」,而女方亦喺同時段主持朝日電視台嘅新聞節目「報道Station」,實屬100%嘅對家。偏偏呢兩位分別主持兩個電視台嘅金牌新聞節目嘅主播(兼明星)竟然傳出熱戀消息,令唔少日本觀眾們大感意外。 日媒《週刊POST》報道兩位甜蜜約會,連續11天嘅親密互動被拍到正一正,更加影到櫻井翔直奔女方香閨。報道更指出兩位非常門當戶對:櫻井翔父親為前總務省事務次官,而佢亦係慶應義塾大學畢業生,係尊尼斯嘅高學歷偶像代表;而女方亦畢業自名門青山學院大學,父親亦為慶應義塾大學嘅醫學部教授兼大學病院部長。 ▲今次緋聞女主角小川彩佳,為朝日電視台嘅王牌女主播 雖然尊尼斯事務所及朝日電視台嘅官方回應都係「雙方僅為好朋友」,但日媒就傳出朝日電視台方面有人透露兩位係認真交往中。自去年年底開始,節目完結後小川就一支箭咁返屋企,兩人嘅戀情疑似個陣開始。有關人士更加爆出該新聞節目嘅同事都非常驚訝但覺得兩位非常速配,更加感受到兩位即使事業繁忙但都非常努力擠出時間約會見面,非常難得。 ▲櫻井翔被拍到於朝日電視台門口等女方放工
18
Feb 17
07:07
新聞

甜蜜合照遭外國友人放上IG 三浦春馬戀情正式曝光

日本人氣年輕男演員三浦春馬(26歲)同國際知名舞者菅原小春嘅緋聞自2016年9月已經開始被傳。雖然二人一路無承認,不過2月14日情人節當日兩人著住情侶Tee甜蜜合照嘅相就被佢哋嘅外國友人up咗上IG story,當然畀粉絲發現添啦!雖然事後呢啲相已經被del,不過手快嘅網民已經即刻cap曬圖,令戀情正式曝光! 當日仲係菅原小春嘅生日,三浦春馬11日完成宣傳NHK大河劇《女城主直虎》嘅工作後即刻前往英國匯合女友。今次流出嘅相片相信係佢哋喺倫敦度過sweet爆情人節被拍低嘅。相片見到平時勁型嘅兩位面上都露出戀人感滿滿嘅表情,尤其平時工作關係個樣勁cool嘅菅原小春即刻成個少女咁! 個友人仲要唔放過任何一刻,連佢哋係張床度攬埋一齊嘅story都up埋! 雖然有粉絲撐兩位都幾襯,因為雙方都係非常事業有成嘅星,不過亦有人質疑係咪係咪其中一方刻意流出博宣傳。甚至有粉絲搵出呢個所謂嘅友人之前亦曾經up過佢哋其他合照,話唔明當事人點解可以咁無戒心喎~
16
Feb 17
02:08
新聞

生田斗真 熱戀同劇女演員 進入半同居狀態

演技備受肯定嘅Johnny's人氣男星生田斗真(32歲)同一齊合演過日劇《無間雙龍》嘅新晉女演員清野菜名(22歲)傳緋聞已經傳咗成年,不過最近就真係被雜誌偷拍到兩人關係已經進入半同居狀態! (《無間雙龍》劇照) 2月3日係日本嘅節分,佢哋就被人影到一齊去世田谷區嘅壽司店約會。當日氣溫只得1度,兩人離開餐廳時原本隔開一段距離,但之後都忍唔住在寒冬中緊緊相偎,最後登上的士前往男方嘅高級住宅,仲前後腳落車同入屋添! ▲被拍到離開生田斗真住所嘅清野菜名 根據女方嘅友人透露,清野經常向生田取經,每次演技上有問題或對動作戲份感到疑惑時都會同生田認真討論。而生田亦都會認真解答佢嘅問題。兩位對工作嘅想法相近,亦係中意演戲嘅好伙伴,所以從來唔嗌交添!另外生田斗真嘅友人都大爆佢會邀請清野去佢同其他男演員嘅聚會,但喺大家面前,比起「女朋友」更加會以「值得信任嘅演戲夥伴」去對待清野,不過其實大家都知道佢哋嘅關係。 其實J家藝人,演員嘅話就冇做偶像咁嚴嘅~不過唔知Toma大個仔幾時會拉埋天窗呢? Source: 《週刊女性》、《女性自身》
06
Jan 17
01:31
新聞

Johnny’s 特設網站公開SMAP給粉絲的最後感言

隨著SMAP解散消息公布後,世界各地嘅粉絲都有送上祝福,並用好多行動表達對偶像嘅愛同支持。就連香港嘅粉絲都以巴士廣告答謝SMAP咁多年嚟帶畀大家嘅回憶。一連串嘅行動都證明呢隊天團係真係好受人愛戴嘅。   今日,Johnny’s 事務所官方網站開咗個特設版,公開咗SMAP最後答謝粉絲嘅留言。估唔到佢哋解散之後仲會有機會見到,都叫做係最後嘅安慰。   網站一開頭已經寫住:   「大家嘅應援,我哋全部都收到。 大家嘅心意,我哋全部都接收到。 衷心感謝。 真的,多謝。」   官方網站在此:https://www.johnnys-net.jp/page?id=smap_Message&artist=6 以下大概翻譯了五位成員以SMAP身份同大家講嘅最後嘅訊息。 (由於日文原文感覺有更深層意義,本人已盡力翻譯,只供參考。)   中居正廣: 多謝一直以來嘅關照...呢。 係「永別」呢...  (小編:此處應該在回應SOFTBANK廣告裡狗爸爸問「唔係永別...吧」) 咁就再見啦!...呢。   木村拓哉: 因為有大家在, 追求我們、在等我們, 才可
05
Jan 17
22:19
新聞

出道10年人氣樂隊 生物股長宣佈暫停活動!

今年出道10週年,一直受JPOP樂迷愛戴嘅兩男一女樂隊生物股長今日喺官方網站發布「放牧宣言」,向粉絲及大眾表白將會暫時停止活動!不過唔使驚,佢哋指今次絕對唔係解散,仲向粉絲發誓會再同大家見面。   佢哋嘅網頁已經癱瘓咗,喺度大概翻譯咗佢哋俾大家嘅公告:     「生物股長 放牧宣言」   10年來,我哋三個人好努力咁渡過呢段時間, 而家我哋想分別試下感受自由嘅生活。   想試下做自己鍾意做嘅事, 試下展開啲新嘅開始, 試下慢慢停下來發呆, 試下去一直想去嘅地方踏上旅程。   為咗可以更加擴闊我哋嘅未來。 為咗可以令我哋三個嘅故事可以繼續發展得更加長遠、更加開心。   以上係生物股長嘅放牧宣言。   首先喺度同大家講聲「一直以來,非常感謝。」 然後係「往後也請多多指教。」   生物股長喺我哋三個人會返嚟嘅地方。 下次見嘅時候大家笑住見面吧! 係咁,我哋行先啦! 放牧!   生物股長 水野良樹・吉岡聖恵・山下穂尊
28
Dec 16
19:45
新聞

全球百大最漂亮英俊臉孔 石原聰美赤西仁為日本之首

歐美著名影評網站TC Candler每年都會以當年中受媒體關注度作為基準,選出全球男、女星中一百個最英俊及最漂亮臉孔。今年嘅名單已經出左啦!   結果女星方面由石原聰美排日本之首,全球排第6。   另外之前曾經於2014年排第8嘅桐谷美玲今年仍然有上榜,排第38。   第三個上榜嘅係啱啱從AKB48畢業嘅島崎遙香,排第92。   男星方面今年只有兩個日本星上榜。赤西仁排第31,而日本籍台灣混血男神金城武就排第93。   今年男女榜榜首嘅分別係荷蘭演員Michiel Huisman及英國超模Jordan Dunn。   完整影片: