違禁品

日本食物抑或藥妝都咁正，去旅行唔多唔少都會買番啲。近年廉航多左咁多香港直飛日本航線，唔少人都會去Hand Carry上機，不過大家知唔知有咩唔上得機呢？無論你係唔係飛行常客都可能忽略左一啲嚴禁上機嘅物品，一齊嚟睇睇啦！

港人去日本旅行，通常都想帶特色野翻香港做手信。今次為大家整理日本機場出入境，同香港機場入境嘅海關規定，大家買手信時就可以作為參考，免得被充公啦！ 入日本境時 有咩唔帶得上機？ 現金唔可以帶太多： 日本海關規定，入境時攜帶現金、旅行支票、有價證券總值100萬日圓以上，或黃金（純度90%以上）達1公斤以上時，須辦理申報手續。