1944年今日  日本於塞班島戰役發動「萬歲衝鋒」!

1944年今日 日本於塞班島戰役發動「萬歲衝鋒」!

除咗1937年7月7日嘅「七七事變」外,「萬歲衝鋒」於近代嘅7月7日都算係一件非常有名嘅「事件」。事實上「萬歲衝鋒」喺二戰史上的確為交戰雙方都留下咗印象深刻嘅一幕。

 1944年今日  日本於塞班島戰役發動「萬歲衝鋒」!

話說於太平洋戰爭當中,美國採用跳島戰術試圖加快進攻嘅效率,而日本面對美國海軍陸戰隊登陸後嘅攻勢,日軍經常都會以「萬歲衝鋒」作為最後「玉碎」嘅手段。

 1944年今日  日本於塞班島戰役發動「萬歲衝鋒」!

 1944年今日  日本於塞班島戰役發動「萬歲衝鋒」!

嗱,睇清楚係「玉碎」,唔係「肉碎」喎。所謂「玉碎」喺呢度就係指「全軍戰死」咁解。由於日軍係主張「不投降,不被俘」(呢種精神於1941年戰陣訓已經有提及)。所以佢哋去到最後關頭,冇增援、冇物資、冇勝望時,就會採用「萬歲衝鋒」呢種「玉碎」嘅手段。到時日軍就會將日本軍軍旗綁上膀頭,頭上綁上象徵日本國旗的紅圓點白布帶,一齊大叫「天皇萬歲」就攞步槍刺刀或者武士刀衝出去同美軍死過!

 1944年今日  日本於塞班島戰役發動「萬歲衝鋒」!

而整場太平洋戰爭當中,塞班島嘅「萬歲衝鋒」都算係規模數一數二嘅一次,於7月6日夜晚到7月7日,日本帝國陸軍第43師團死剩嘅四千幾人一齊發動「萬歲衝鋒」,美軍第105步兵師第1、2營幾乎畀人殺到全軍覆沒,損失650人。雖然最後都係美軍得到最後勝利,不過代價都幾大下,登陸部隊當中有近3000人戰死,過萬人受傷,而日軍包括「萬歲衝鋒」嗰4300人共有超過30000人戰死,而另外亦有超過20000名島上日本居民死亡。

 1944年今日  日本於塞班島戰役發動「萬歲衝鋒」!

而由於之後包括硫磺島同沖繩,日軍以地洞游擊同萬歲衝鋒等手段應對攻擊,美軍真係「瀨晒野」,所以美方馬歇爾同麥克阿瑟等開始諗辦法減低進攻日本本土時嘅死傷人數。而由於曼哈頓計劃嘅成果令原子彈面世,之後嘅故事就唔駛小編再詳述吧。

 

 

圖片來源:
ZAPAnet総合情報局
LVTs heading