1902年今日 發生過恐怖又靈異嘅八甲田雪中行軍遭難事件

1月23日，雖然今日日本又係和平嘅一日，不過喺1902年，今日剛好就係近代史上最大規模嘅山嶽遭難事故，亦係日後演變出眾多恐怖傳聞嘅「八甲田雪中行軍遭難事件」。

 

雖然而家八甲田山交通很方便，作為日本名山百選之一，又係以觀賞紅葉聞名嘅旅遊區。不過以前嘅八甲田就真係可以稱得上「不毛險地」。1902年(明治35年)，日本帝國陸軍第8師團歩兵第5連隊共210人，喺由青森市出發前往八甲田山途中遇難，全軍最終只有11人生還。

 

青森歩兵第5連隊210名，編成如下：

中隊長：神成文吉大尉
第１小隊小隊長：伊藤格明中尉 ４６名
第２小隊小隊長：鈴木守登少尉 ４２名
第３小隊小隊長：大橋義信中尉 ４２名
第４小隊小隊長：水野忠宣中尉 ４５名
特別小隊小隊長：中野辦二郎中尉 ２３名
臨時移動大隊本部：山口鋠少佐 １１名

※其實仲有另外一隊參與訓練，不過因為佢哋冇遇難所以跳過。
 

                                                                                 

1894年嘅甲午戰爭，雖然日本取得咗勝利，不過喺寒地作戰就令日軍吃盡

苦頭，而由於當時日本軍方預計他日有機會會去更寒冷嘅地區如西伯利亞等地方作戰，又或者日本東北方受襲而要於寒地應戰，所以有必要提升軍隊於寒冷區嘅作戰能力，於是就密鑼緊鼓緊急開始冬季訓練作準備。

 

當時遇難嘅青森步兵第5連隊係測試假設沿青森海岸行駛嘅火車因為被俄國襲擊而不能行駛時，能否於冬天用雪橇將物資由青森經田代運去八戶。
 

 

根據軍方事後研究指出，青森隊以雪橇行軍在準備方面明顯不足，編隊亦相對「較雜」，參與同一行動，作為考察隊嘅弘前第31連隊不但儘量減少隨身物品以加速行軍，全軍獲發灑過辣椒粉嘅雪地用草靴，沿途又請村落提供嚮導與糧食補給，甚至用粗麻繩繫住所有人防止落隊。反而青森隊因途中有溫泉，所以大家抱住「第二日就有溫泉浸」嘅心態就咩都冇準備。

 

而最關鍵嘅係出發當日，即使收到消息大規模寒流即將侵襲青森，臨時移動大隊本部嘅山口鋠少佐唔單止唔請嚮導，及後更加因為誤判自己可以及時去到田代新湯(溫泉)而唔返轉頭領取防寒裝備，最後大隊本部同雪橇隊都連夜被困暴風雪中。
 

結果喺不停被困同迷路之下，去到第3日已經死剩30人左右，隊員唔係陸續凍死，就係志願去探路之後失蹤。最後後被救援隊發現時，保住性命的只有11人，而當中8人手腳嚴重凍傷被截肢，最嚴重嘅情況是手腳四肢全部切除。

 

 

靈異及恐怖傳說
事件除咗震撼當時日本社會同軍方外，直到今時今日仍然不斷流傳各種恐怖傳說。

1
話說第5日搜索隊發現後藤伍長時，發現倚槍企喺冰雪中倚槍，除咗不停叫住「神成大尉」之外，間中竟夾雜住「唔好食我」之類嘅說話。

 

獲救後被截肢嘅士兵們堅稱自己倒臥雪中時，隱約聽到有多道聲音。其中包括：「我要食佢隻手。」、「放心人人有份，不過腳歸我！」而「聲音」聲稱要食嘅部位剛好就係截肢嘅部位。

 

3

有青森大學嘅學生夜晚駕車經過八甲田山，試過車輛嘅窗口車門傳來大量拍打聲音，學生不停加速逃跑，其間聽到有聲話要分佢哋手腳，第二日佢喺車身發現好幾個舊軍靴嘅印。

 

4

14年4月17日青森消防本部收到青森市駒込深沢別莊嘅固網電話報警，但由於訊號好差，所以消防本部幾乎聽唔到對方講咩。當然以防萬一佢哋都係派人去位於深山嘅現場。最後當然係冇人。

 

不過留意現場就係遇難事件發生地區……

 

圖片來源：
八甲田山 雪中行軍遭難 資料館