新垣結衣威力有幾大相信都唔使小編多講，一睇就知佢仲勁過炸彈之母。所以係咪一日出動兩次大殺傷力武器小編都諗咗好耐，不過鬼叫佢女神咩，死就死啦！ 今次呢個廣告嘅客戶就係紙巾品牌健力氏（Kleenex）。而健力氏今日仲搞咗個新裝商品+新廣告嘅發佈會。
結衣BB一出嚟就見佢戴咗個紙巾摺出嚟嘅皇冠，佢仲笑言「好有公主嘅感覺。」，而新廣告嘅其中一段就係佢要有用紙巾抹眼淚，廣告要求「希望能捕捉到流淚同時露出笑臉嘅一刻。要係同好多人相遇、離別，想到雖然悲傷但又要用笑臉超越悲傷，但係又要流出眼淚，最後都係流露幸福嘅笑容……」真係聽到都覺複雜。
其實結衣BB因為本來就唔擅長演流淚嘅戲，所以佢事前都驚演得唔好，不過好彩拍攝當日「諗返起往日嘅記憶同經驗，多種情緒一混合起來眼淚水就自然出晒嚟」。
新廣告「クリネックス ふれるたび篇」預定21日就會係電視播出，不過官網就已經公佈咗新廣告，相信大家都已經睇咗啦！
30秒版
製作花絮
©ORICON NewS inc.
About Post Author
