日本辦公與家用文具製造公司 KING JIM 而家搞緊個抽獎活動，將會送出呢個巨型文件夾攬枕！
將原本硬梆梆嘅文件夾變成人見人愛嘅攬枕～晚晚攬住佢訓會唔會更熱愛返工呢？
經典嘅文件夾造型，香港90年代都好興，不過而家應該都變晒電腦～
只會送出五個！100cm x 84cm x 30cm，都幾大啦，又未去到巨嘅。
用法如下，不過唔排除你會諗到更好嘅用法，諗到記得同我講喎！
不過得五個真係太少，所以另外就會送 45個 LOGO 樣嘅香口膠。
參加方法好簡單，只要上 Twitter 關注 King Jim 嘅官方帳號，再轉發佢地個活動嘅文章就可以。
活動由即日去到 5月29日，連結喺呢度～
不過唔知香港會唔會送呢？唔理喇，抽中先算！
About Post Author
