今日(2月26日) ，《Code Blue》劇場版嘅官方製作組釋出咗特報映像同設計海報，而電影官方twitter都正式於今日始動，意味住新劇場版嘅情報將會一浪接一浪咁嚟。
今次嘅劇場版《Code Blue》依然由五人組嘅山下智久、新垣結衣、戶田惠梨香、淺利陽介、比嘉愛末演出，令追開日劇嘅fans都感到興奮！唔知今次劇場版又會唔會擦出同TV版唔同嘅火花呢！
官方twitter圖片
官方twitter仲出咗第一個演員心聲，就係大家鐘意嘅結衣bb啦。
【新垣結衣】
?コード・ブルー?
特報映像とティザーポスターがついに公開✨おなじみの5人が災害に立ち向かう様子が映し出されています！7月27日より全国でロードショー。どうぞお楽しみに?
※写真は撮影時のものです。#ガッキー #コードブルー https://t.co/59DNuTa3WA pic.twitter.com/b5ymwYO1iz— レプロARTIST (@lespros_artist) 2018年2月25日
「?《Code Blue》?
特報映像同設計海報終於公開✨
今次亦會拍攝大家熟悉嘅5人面對災害嘅樣子！7月27日全國巡回公映。請大家熱切期待?」
回顧以往電視版，《Code Blue》第一季嘅「高速公路多重相撞事故」、SP嘅「列車脫軌事故」、第二季嘅「客機緊急降落事故」，同第三季嘅「地下鐵隧道崩塌事故」，都有迫真急切嘅災害同真實嘅醫療現場呈現觀眾眼前。仲有前幾季描述5人組嘅成長、同患者接觸嘅感人故事，都為《Code Blue》系列招嚟咗唔少fans。到底今次劇場版會唔會又掀起《Code Blue》熱潮呢！
フジテレビ官方圖片
至於今次劇場版嘅劇情方面，其實公開咗嘅資料並唔多。喺今日公開嘅特報，可以見到會發生比電視版更大規模嘅災害，包括成田機場同海螢火蟲嘅海上大橋上面嘅連續事故，仲有支撐《Code Blue》10年嘅5人組勇敢克服難關嘅身影。希望今次劇場版可以Keep住以往果種緊張感覺，等我地呢班觀眾睇得過癮啦！
About Post Author
