2017年人氣動漫回顧!有無你嘅神作?

唔經唔覺轉眼2017年就快完結啦!各位動漫迷今年心目中有無覺得係「神作」嘅動漫呢!今年對小編嚟講當然最深刻嘅就係《動物朋友》熱潮所帶來嘅一連串「たーのしー!」啦。我地係日站あにこれ(https://www.anikore.jp/)嘅動畫綜合排行中抽出每季嘅頭五名嚟同大家介紹,回顧每季新番有咩人氣動漫,睇下有無你心水!
 

20171月 冬番

  1. 小林家的女僕龍

    圖片來源:maidragon.jp/
     

  2. 為美好的世界獻上祝福!2

    圖片來源:konosuba.com
     

  3. 幼女戰記

    圖片來源:youjo-senki.jp

  4. 動物朋友

    圖片來源:テレビ東京

  5. 小魔女學院

    圖片來源:tv.littlewitchacademia.jp

 

第一位係《小林家的女僕龍》!依套係講女主人公小林與龍少女展開左人龍生活嘅故事。當中帶嚟咗各種溫馨日常,讓人反思人同唔同物種相處嘅可能性。今年仲有蘿莉龍「康娜」嘅大熱,可以見得出人氣十足。第二嘅《為美好的世界獻上祝福!2》,就講唔小心轉生咗去異世界嘅主人公同殘念嘅伙伴們遊歷嘅故事,各種gag真係好好笑啊!第三位《幼女戰記》就係話係1923年金髮碧眼嘅幼女,以自己優質嘅魔導潛能係9歲任官軍人嘅傳奇。佢以自己嘅前世記憶同才能帶領國家克攻一場場大戰,突破重圍。

 

20174月 春番

  1. 月色真美

     

  2. 了不起眼女主角培育法 ♭

    圖片來源:www.saenai.tv

  3. 進擊的巨人 Season2

  4. Re:CREATORS

    圖片來源:recreators.tv

  5. 情色漫畫老師

    圖片來源:電撃文庫

第一位嘅《月色真美》,其實「月色真美」依個名係嚟自日本文學家夏目漱石將”I love you” 譯成「月色真美呢」嘅傳聞,所以睇標題已經知道依個係一套戀愛番。佢講述一對中學生戀人相戀嘅故事,當中淡淡描寫同細膩手法都好達到主角嘅心情同成長。第二位嘅《不起眼女主角培育法 ♭》就係講高中生社團合作整「最好嘅美少女遊戲」嘅故事,當中面對嘅唔同困難、複雜嘅人物關係都係睇頭之一。第三位嘅《進擊的巨人2》就眾所週知大人氣《進擊的巨人》嘅續集,講艾倫與伙伴同巨人繼續戰鬥嘅故事。

 

 

20177月 夏番

  1. 來自深淵

  2. 終物語

  3. Princess Principal

  4. NEW GAME!!

  5. 單蠢女孩

 

《來自深淵》攞到第一其實不意外,因為角色之一嘅娜娜奇真係太有人氣啦!《來自深淵》講述主人公同朋友喺直徑約一公里嘅巨型深淵探險,慢慢發現世界嘅秘密。第二位嘅《終物語》係繼化物語等等之後,《物語系列》嘅延續。故事依然係講不死身嘅阿良良木曆喺高中嘅日子裡所遇見嘅怪談故事。《物語系列》嘅劇情一直扣人心弦,令人好想追落去!而第三位嘅《Princess Principal》係話五位少女偽裝成女高中生,利用自已變裝、謀報、潛力等嘅能力喺影之世界活躍嘅故事。

 

201710月 秋番

  1. 網路勝利組

  2. 寶石之國

  3. 食戟之靈 餐之皿

  4. 此花亭奇譚

  5. 少女終末旅行

 

《網路勝利組》講述30歲單身尼特族嘅女主角脫離現實世界,沉迷網絡遊戲,但係竟然喺遊戲中遊戲中遇到未來情人嘅戀愛故事。由御宅變成現充,依個展開真係好令人羨慕啊!第二位嘅《寶石之國》,描述地球多次被催毀,令生物被結晶化,出現好似寶石生命體嘅存在。而擁有寶石身體嘅28人入面,主人公磷葉石非常脆弱,一直孤獨,直到佢遇到同樣孤單嘅「辰砂」,開展新嘅經歷。去到第三位嘅《食戟之靈 餐之皿》,就係大熱系列《食戟之靈》嘅第三季。係有名嘅料理漫畫,講男主角幸平創真喺料理學校奮鬥、突破各種料理對決嘅過程。

 

睇到最後,各位有無發現有自己嘅心水呢!依度回顧左今年各種人氣動漫之餘,仲可能有你想睇嘅動漫,想睇番但唔知睇咩好嘅時候參考下都好架。而係咪「神作

就雖然見人見智,希望各位唔好忘記自己遇到「神作」時嘅熱血感覺啦!