香港商戶發達大計!用Pokemon Go幫毒男搵真愛!

香港商戶發達大計!用Pokemon Go幫毒男搵真愛!

Pokemon Go熱潮除咗帶動咗任天堂嘅業務之外,週邊唔同嘅商戶亦紛紛出嚟抽水,好似「無限免費Pokémon GO數據流量」、「各種優惠包車服務」、甚至連「大閘蟹減價折扣」都有,不過靠Pokemon Go搵另一半,你地又有無諗過呢?
 
香港商戶發達大計!用Pokemon Go幫毒男搵真愛!
 
日本聯誼公司「Find the One(ファインドザワン)」就推出咗一個叫「Pokemon Go Party」嘅計劃,希望大家可以喺Pokemon Go當中搵到真愛。
 
香港商戶發達大計!用Pokemon Go幫毒男搵真愛!
 
擺脫以往坐定定,吹吹水嘅聯誼方式。聯誼場地由室內去到「Lohas 池袋」舉行。將單身男女分為唔同小組,係池袋街頭一邊捉小精靈之餘,一邊加深了解,指定時間結束後就返回會場公佈成績再一齊享用晚餐,希望透過遊戲加強參加者之間嘅互動(前提係你唔可以淨係專注捉小精靈!XD)
 
反應亦相當熱烈,男士名額已經爆滿,女士亦都差唔多爆滿,可想而知Pokemon Go嘅魅力有幾大!
 
另一間聯誼公司「合同會社 ena」就更特別。參加者可以直接去日比谷公園或者小田原城報名,之後透過Line群組進行溝通,利用提供嘅信物同暗號嚟搵出其他參加者,成個緣份遊戲咁,夠晒浪漫同刺激。最後主辦單位會喺指定地點放櫻花營造集合點。
 
香港商戶發達大計!用Pokemon Go幫毒男搵真愛!
 
不過呢度就不包含晚餐時段,約食飯呢啲就要靠自己喇!活動將會陸陸續續係唔同地區舉行,好似上野公園、代代木公園、井之頭公園等等。
 
香港商戶發達大計!用Pokemon Go幫毒男搵真愛!
 
反正咁多人願意為Pokemon Go而成功踏出屋企間房,香港嘅公司就不妨諗諗佢,話唔定可以開拓一個新嘅商機,為一眾毒男帶來希望呢! XD