會唔會係咁豪華呀？動漫真人化電影《銀魂》已經步入殺青階段，今日官方再釋出第三波演員名單，豪華嘅卡司再次令人難以置信….到底製作經費用咗幾多錢！！？？
今次公佈嘅係反派角色係《銀魂》入面被稱「最危險嘅男人」高杉晋助同佢嘅武裝集團「鬼兵隊」。隊長高杉晋助呢個咁重要嘅角色就係由Kinki Kids嘅堂本剛飾演！今次係堂本剛事隔12年再次拍攝電影，據說係福田監督話拍完電視劇《33分偵探》後好想搵佢拍反派！堂本除咗會有彈三味線嘅鏡頭，仲會有同小栗旬飾演嘅銀時有場精彩嘅打鬥戲份！佢仲話對上一次演「殺陣」戲碼係自10幾歲嘅時，而小栗旬因為生得高所以拍攝時都有啲挑戰添！
▲堂本剛 飾演 高杉晋助
高杉率領嘅攘夷過激派武裝集團「鬼兵隊」隊員卡士同樣強勁，有新井浩文飾演岡田似蔵、佐藤二朗（佛祖）飾演武市変平太、菜菜緒飾演来島また子、另外安田顕同早見朱莉分別飾演刀鍛冶屋兄妹村田鉄矢同村田鉄子。
好啦。小編我承認我開始好期待睇呢套真人版了！
▲新井浩文 飾演 岡田似蔵
▲菜菜緒 飾演 来島また子
▲佐藤二朗 飾演 武市変平太
▲早見朱莉 飾演 村田鉄子
▲安田顕 飾演 村田鉄矢
資料來源：CinemaToday
About Post Author
