試食人氣店「員工膳食」,一期一會的隱藏版美食!

試食人氣店「員工膳食」,一期一會的隱藏版美食!

有冇試過去餐廳食飯咁啱撞正員工放飯時段,偷偷望吓佢地食乜餸,覺得佢地嗰邊好似好味啲呢?唔講唔知,原來坊間有唔少料理都食由員工膳食演變而來,好似奄列飯、咖喱鍋等等。而將會於5月中分別喺東京、大阪同名古屋舉行嘅「an まかないフェス2017」就可以食到咁「特別」嘅料理!

 

試食人氣店「員工膳食」,一期一會的隱藏版美食!

今年嘅「an まかないフェス2017」3個會場總共有36間舖頭出店,主打以一個銀仔¥500就可以食到連店內都唔會食到嘅「員工膳食」!唔好以為員工膳食就一定係用料差賣相差,睇完以下介紹,係咪對「員工膳食」呢四個字另眼相看呢!

 

大阪會場

SABAR「鯖魚三文治」

試食人氣店「員工膳食」,一期一會的隱藏版美食!

鯖魚三文治係大阪嘅獨有美食,將鯖魚拖羅加少許鹽燒到香一香,每一粒都係一口size,揸住食勁方便!食嘅時候可以夾埋搽滿茄醬同薯仔沙律嘅脆多士一齊食,份外香口!

 

北新地ぎょうざ家「芳壽豚叉燒」

試食人氣店「員工膳食」,一期一會的隱藏版美食!

芳壽豚係長崎嘅名牌豬,肉質香甜脂肪多,非常適合用嚟整叉燒!北新地用咗自家製醬汁去醃製,再以低溫烤焗,焗出嚟嘅叉燒極之入味軟滑。

 

東京會場

希須林「魯肉飯」

試食人氣店「員工膳食」,一期一會的隱藏版美食!

魯肉飯可以話係中華料理中經典嘅經典!呢個飯用咗五花腩同大腿兩個唔同部位嘅肉以醬油、蒜頭、五香粉等長時間炆煮炮製而成,連飯放入口豚肉油香四溢嘅同時仲咬到紮實嘅豚肉質感,香濃惹味!

 

格之進「格之進免治生菜漢堡」

試食人氣店「員工膳食」,一期一會的隱藏版美食!

免治肉用嚴選嘅優質黑毛和牛及岩手縣嘅白金豚整成,炸到脆卜卜之後用生菜包住食,咬落充滿肉香,生菜嘅菜汁巧妙地令到整道料理唔會過份乾身。

 

気むずかし家「信州名物 山賊燒」

試食人氣店「員工膳食」,一期一會的隱藏版美食!

珍寶雞扒勁大塊,以蒜頭等調味料醃到入味之後炸到脆一脆,一咬落去肉汁爆哂出嚟,同酸酸地嘅他他醬味道超夾!

 

名古屋會場

魚屋の台所 下の一色「魚仔乾半熟流心蛋丼飯」

試食人氣店「員工膳食」,一期一會的隱藏版美食!

咩係「簡單的美味」,食完呢碗飯就一定體會得到!店家非常重手地將來自愛知縣帶有微辣嘅魚仔乾舖滿飯面,加入鹽、胡椒、特製醬油作簡單調味之後再加入半熟嘅流心蛋,單係個賣相已經可以畀夠100分!

 

麺屋 桜「櫻之拉麵」

試食人氣店「員工膳食」,一期一會的隱藏版美食!

有時員工嘅膳食就係就地取材,見到有咩材料就用咩材料,所以呢碗拉麵有雞肉丸做topping一啲都唔出奇!湯底以大量魚介及雞殼熬製而成,香濃得嚟味道嘅層次亦非常豐富,係坊間幾乎係零機會食到嘅「夢幻料理」!

 

試食人氣店「員工膳食」,一期一會的隱藏版美食!

由於活動嘅主題係「員工膳食」,所以活動過後即使去相關店舖亦未必可以再點到相同菜式,強烈建議大家要空肚入去,試盡各間名店嘅「隱藏版」美食同甜品!

 

大阪會場
地點:西梅田スクエア(旧大阪中央郵便局跡地)
地址:大阪市北区梅田3-2-4
時間:5月12~14日 11:00~21:00

東京會場
地點:中野四の森公園 特設会場
地址:東京都中野区中野4-13
時間:5月25~28日 11:00~21:00

名古屋
地點:久屋大通公園 エンゼル広場
地址:愛知県名古屋市中区栄3-15
時間:5月19~21日 11:00~20:30

官網:weban.jp/contents/c/makanaifes_pc/