22歲日本花式滑冰王子羽生結弦今日於芬蘭赫爾辛基舉行ISU世界花式滑冰錦標賽中刷新自己最佳成績並破世界紀錄奪冠！日前於短曲比賽中表現未如理想，僅列第五名，但今日嘅長曲表演成功完成完成了4次4迴旋跳躍，刷新佢個人所保持嘅世界最高紀錄（219.48分），拿到223.20分，以總分321.59分，成功逆轉勝。今次係羽生隔三屆第二度於ISU奪冠！
賽後訪談中，羽生絕對無一絲驕傲或興奮，反而話對短曲表演失準感到非常後悔，並強調會繼續加多訓練。當主持人問到佢係點樣準備比賽時，佢搞笑地話佢自己都唔知，亦都已經唔記得咗今日滑咗啲乜，只係好努力咁跟住音樂滑，並感激支持者對佢嘅信心！
▲睇下佢見到自己打破世界紀錄嘅時候嘅反應！！（真係好可愛！）
▲因為羽生中意小熊維尼，所以每次比賽完都會有好多好多粉絲將小熊維尼拋到場內，原來回送到後台就變成咁樣XD（真係好誇張！）
▲第2名同樣係嚟自日本嘅選手，19歲嘅宇野昌磨。短曲拿到104.86分、長曲拿到214.45分，總分319.31分。第3名是中國大陸選手金博洋，短曲拿到98.64分、長曲拿到204.94分，總分303.58分，連2年名列第3名。
希望羽生結弦同宇野昌磨繼續積極備戰，並喺出年嘅平昌冬季奧運會再次帶精彩嘅賽事同表現畀各位支持者睇啦！
About Post Author
