澤尻英龍華擔任Suntory嘅「ほろよい（微醉）」系列代言人，前幾日又推出新廣告！廣告中澤尻以一頭超爽利短髮look登場示人，原來係為咗配合產品「清爽微醉檸檬」同「清爽微醉青蘋果」～見佢喺間房度好舒服咁傾住電話好relax咁飲住酒，喺office寫緊呢篇文嘅小編表示好羨慕呀T_T
不過重點係廣告入面女神部手機竟然show咗個電話號碼出黎：
「erika 自分の番号：05-7000-4641」
搞咩咁大整蠱
？！流出私人電話？
當大家都喺度考究緊呢個電話號碼嘅真偽，有勇者就試下親身打去，結果…
「沢尻エリカです。ただいま電話に出ることができません」
（你好，我係澤尻英龍華，而家唔方便接聽你嘅電話…）
真係女神把聲呀！！
之後女神仲會叫你留低令你「最近すっきりしないこと」（最近令你心裏感到不暢快）嘅事，而且仲可以比你用電話揀 1）最近不夠自信、2）想有人為你打氣、3）最近好攰、同埋 4）最近失敗咗。最後佢仲話「この電話に折り返すかも」（有機會打番畀你㗎）。
唔駛呃我啦，marketing咋嘛。畀我聽到女神講電話把聲已經三生有幸，點會打返比我？
但到咗下晝，呢個勇士收到一個不知名電話…
大概四個鐘之後，電話響起，一聽就係女神把聲講：「沢尻エリカです（我係澤尻英龍華）」！！！
女神仲同呢位勇者講：「勇気を出そうとしているあなたは、とっても素敵です（而家正在鼓起勇氣嘅你，真的很棒）」最後仲加句：「明日も頑張ろう（聽日都加油啦）」！事實證明女神真係會打返俾你㗎！！…雖然係錄音
尋日Twitter就引起好多人試打俾erika，一時間更上埋Twitter嘅話題榜。佢嘅回答應該係因應你揀嘅四個選項會變，所以吸引好多人去試！
不過唔知女神會唔會打返長途電話畀香港嘅勇者們喇XD 唯有睇住廣告頂住先啦～
資料來源：Kai-You
About Post Author
