「比卡超大量出沒！」1500隻比卡超8月9-15日突襲橫濱港!!

每年一度嘅「比卡超大量出沒！」活動，今年又返嚟橫濱啦！ 將於8月9日至15日喺神奈川縣橫濱港一帶舉辦嘅「比卡超(唔止)大量出沒！ 2017」，今年嘅規模會比上年更大更多比卡超！ 數目會由上年嘅1000隻加到今年嘅1500隻！ 而且既然今年活動主題加咗「唔止」落去，係咪代表今年會有其他小精靈出沒？

2015年嘅比卡超Dance

而成個活動嘅重頭戲，於日本大通舉行嘅「比卡超嘉年華巡遊」今年會喺8月14日舉辦。而登場嘅比卡超，亦會大增一倍到100隻！ 而今年據官方稱係連海、空都會有比卡超出沒！

2016年巡遊

仲有、仲有！ 今年嘅活動應援商品都係史上最多，而且將提早於7月22日開始登陸Pokemon Center！ 各位『寵物小精靈』嘅粉絲真係唔可以錯過！