日本溜冰王子羽生結弦締造歷史 達成男女史上首位4連霸!

日本溜冰王子羽生結弦締造歷史 達成男女史上首位4連霸!

國際滑冰總會 ISU(International Skating Union)花式溜冰大獎賽總決賽GP(Grand Prix of Skating Final)已經於法國馬賽完成所有賽事,日本溜冰王子羽生結弦不負眾望以總分293.90贏得金牌,更成為男女史上第一位達到四連霸嘅選手呀!
 
其實今次羽生BB因在自由曲FS項目跌倒而於該項目只得第三,不過因為早兩日於SP短曲項目完美高分領先所以最後以優勢勝出。另外今次大賽嘅第二位係美國華裔選手陳巍(Nathan Chen),而第三位係同樣來自日本嘅新星選手宇野昌磨。
 
高分領先,奪得金牌嘅重要因素:羽生結弦 短曲SP 《Let’s Go Crazy》

 

表演較失準嘅自由滑FS《Hope and Legacy》
 

賽後羽生BB坦言今次失誤較多,而需要檢討的部分也非常多,不過整體嚟講完成了想要達成四連霸嘅目標。佢仲話今次雖然好唔滿意自己嘅表現,但就得到寶貴嘅經驗:「無論係自由曲定係短曲我都會繼續認真練習(work harder)!」
 
日本新星宇野昌磨:
 

女子方面,亞洲唯一嘅代表、日本女選手宮原知子就以218.33分獲銀。
 

 
恭喜曬三位日本選手奪得獎牌!一齊睇下頒獎片段~羽生BB一躍上頒獎台,然後於播放國歌嘅時候迷惘地尋找國旗個樣都好搞笑XD 最後邀請師弟宇野昌磨上台影相嘅時候意外造成「迷之舉動」(7:07),超級好笑,聽講喺一班外國嘅腐女網友圈引起咗暴動(笑)。
 

另外今次比賽中亦有加拿大香港裔名將陳偉群(Patrick Chan),喺男子短曲排名更加係第二,可惜最後長曲失準只能得第五而無緣領牌,不過希望佢都繼續努力!