搞笑貼地港式配音 真人版漫改電影《齊木楠雄的災難》

搞笑貼地港式配音 真人版漫改電影《齊木楠雄的災難》

《齊木楠雄的災難》動畫早前喺ViuTv播出嘅時侯已經成功造成迴響,唔少人都話配得搞笑又生動,重有唔少港式gag添。而喺香港上映嘅《齊木》真人電影版都會用返原班人馬配音,再次為大家帶黎貼地爆笑喜劇。

搞笑貼地港式配音 真人版漫改電影《齊木楠雄的災難》

(圖片來源: 真人電影《齊木楠雄的災難》官方網站)

電影版嘅內容圍繞住PK學園文化祭進行,同動畫版唔同,電影版改編原有劇情之餘亦加了不少人物之間嘅互動同情節,所以睇過動畫版嘅人可能會發現到唔少同動畫版唔同嘅地方。加上香港配音亦有所變動,吐糟位都有唔同,當然亦唔少得某啲TV放送版出現過嘅梗啦,例如「生命值硬接」同吐糟自己嘅人物設定等等,配音員亦喺訪談中提及過寫稿同配音嘅時侯會因應情況改動劇本,令配出黎嘅效果更加搞笑。無睇過動畫版都唔駛擔心,貼地嘅港式對話同各種港人熟悉嘅梗都穿插係唔同地方,相信第一次睇呢套作品嘅人都會搵到唔少笑位。

搞笑貼地港式配音 真人版漫改電影《齊木楠雄的災難》

(圖片來源: 真人電影《齊木楠雄的災難》劇照)

製作班底方面亦有不少熟悉嘅臉孔,演員方面有山崎賢人同橋本環奈等等,而導演就係執導銀魂電影版嘅福田雄一。另外唔少演員亦曾參與過漫改嘅真人版電影,例如飾演海藤瞬嘅吉澤亮亦曾參演《狼少女與黑王子》同《銀魂》等等嘅拍攝。為左還原人物設定,演員外型方面都花左唔少心思,其中一個亮點就係飾演燃堂力嘅新井浩文特意用真髮做成動畫中嘅髮型,下巴嘅化妝亦係著眼點之一。

各位睇演員之餘亦可以留意下電影內容以外嘅地方,可能平時大家睇港版配音嘅時侯都唔會睇字幕,而今次嘅《齊木》就喺字幕當中花左啲小心思,大家睇嘅時侯都可以留意下,話唔定會見到字幕中嘅小驚喜。

搞笑貼地港式配音 真人版漫改電影《齊木楠雄的災難》

(圖片來源: 真人電影《齊木楠雄的災難》劇照)

《齊木楠雄的災難》屬於搞笑動畫,就算只睇一兩集都可以搵到笑點,輕鬆搞笑嘅內容加上地道嘅港式配音相信會更貼近港人嘅喜好,大家不妨去戲院睇下呢位超能力者點應對文化祭中發生嘅齊木楠雄的災難。

搞笑貼地港式配音 真人版漫改電影《齊木楠雄的災難》

(圖片來源: 真人電影《齊木楠雄的災難》劇照)

《齊木楠雄的災難》(香港3月22日上映)

故事簡介:齊木楠雄一出生就有超能力,懂得等價交換、心靈感應、瞬間轉移等等,正所謂「個個都想有超
能力,唔通個個都想用超能力咩」,齊木只想做個平凡高中生,有事盡量「揸流灘」。但是,齊木的願望未能達成,因為有班無比騎呢、三尖八角不尋常的同班同學,總會搞出各種麻煩!被捲入其中的齊木無得甩身,只能偷雞用超能力打救同學。

演出:橋本環奈、吉澤亮、賀來賢人、新井浩文、笠原秀幸、室剛、佐藤二郎