忌廉可樂餅嘅爆漿口感真係魅力沒法擋，估唔到原來用嚟整天婦羅一樣掂！想試咁特別嘅天婦羅，記得3月23日至4月26日去天婦羅專門店「てんや」走返轉，因為佢地將會推出全新配搭嘅天婦羅丼飯，當中包括一咬即爆漿嘅忌廉天婦羅，鍾意食忌廉可樂餅的話一定會大愛！
ベーコン・チキン天丼 ¥730
就係呢個「煙肉・雞肉天丼」！一碗入面有厚切煙肉、雞肉、爆漿忌廉、四季豆4種食材嘅天婦羅，淋埋層加咗芥末醬整成嘅特製醬汁，明明視覺上係一個天婦羅丼飯，但味道同口感上都非常嶄新，係一個非一般嘅天婦羅丼飯！
呢件爆漿忌廉天婦羅就係成個丼飯嘅靈魂，食嘅時候要做定心理準備，一咬開啲忌廉漿就爆哂出嚟！
厚切煙肉天婦羅
桜海老天丼 ¥850
除咗個 煙肉・雞肉天丼之外，將會喺同期推出嘅「桜海老天丼」都好值得一試！入面有櫻花蝦洋蔥天婦羅、小銀綠鰭魚天婦羅等等豐富食材，睇落好似好普通，但意外地好味！
大大件嘅櫻花蝦洋蔥天婦羅
小銀綠鰭魚天婦羅
天丼てんや
發售日期：2017年3月23日～4月26日
售價：ベーコン・チキン天丼 ¥730、桜海老天丼 ¥850
官網：www.tenya.co.jp
About Post Author
