夠唔夠膽挑戰!?  7-11新推「超激辣」辣椒零食!

夠唔夠膽挑戰!? 7-11新推「超激辣」辣椒零食!

喺今年3月日本7-11推出咗聲稱食完會令人辣到著火嘅「燃える唐辛子」,不過好多食得辣嘅人都話唔夠辣,食得唔過癮,見大家咁勇於向極限挑戰,7仔即刻再推辣度增加2倍嘅「大炎上唐辛子」!

 

夠唔夠膽挑戰!?  7-11新推「超激辣」辣椒零食!

同前作相比,將會喺5月18日正式發售嘅「大炎上唐辛子」特登好重手地加入大量激辣唐辛子粉同Habanero Powder製作,以辣椒將辣椒嘅辣度提昇至最高點,勢要將大家辣到阿媽都唔認得!

 

夠唔夠膽挑戰!?  7-11新推「超激辣」辣椒零食!

呢包零食最厲害嘅地方係食第一粒可能覺得冇乜野,但只要咬多3秒或食多2粒,辣勁就會突然衝出嚟嚇你一跳,個口直情係會辣到痛,一個人食得哂全包記得要為佢鼓掌。

 

夠唔夠膽挑戰!?  7-11新推「超激辣」辣椒零食!

如果唔想一嚟就挑戰咁高難度,可以試吓呢包相對地冇咁辣嘅「燃える唐辛子」。雖然唔食得辣嘅人都係會覺得好辣,但鍾意食辣嘅人就話呢包野真心唔夠辣,食得唔夠過癮。

 

夠唔夠膽挑戰!?  7-11新推「超激辣」辣椒零食!

個辣椒圈做得好脆口,用嚟送酒一流!

Anyway,呢兩包零食都非常適合用嚟做手信,如果真係用嚟整鬼人,記得望住佢食緊先好畀呢篇文章佢睇~Ψ(`∀´)Ψ

 

燃える唐辛子
發售地點:日本7-11
發售日期:2017年3月~
售價:¥138

大炎上唐辛子
發售地點:日本7-11
發售日期:2017年5月18日~
售價:¥828/6包