【士多啤梨狂迷注意!】「苺の日」日本7仔必食6大甜品!

【士多啤梨狂迷注意!】「苺の日」日本7仔必食6大甜品!

日文嘅「1」係「いち(ichi)」,「5」係「ご(go)」,加埋就係士多啤梨嘅日文發音「いちご(ichigo)」,所以日本就將呢日定為士多啤梨日「いちごの日」。日本7仔亦好識食住個勢,趁住1月5日同1月15日呢兩日將士多啤梨甜品通通放哂上架,士多啤梨狂迷一定開心到發夢都識笑!
 
有咁多款當中緊係有幾款係特別吸睛嘅!精選埋畀你都仲係唔知點揀?唔緊要!通通試哂佢!ヽ(`Д´)ノ
 
1. Big Strawberry parfait ¥390
 
【士多啤梨狂迷注意!】「苺の日」日本7仔必食6大甜品!
 
話明係芭菲當然會有超多唔同配料!呢杯入面有齊士多啤梨果凍、海綿蛋糕、蛋白忌廉、士多啤梨醬同朱古力批,一次過就可以食到咁多唔同口感,抵啊!
 
2. 雙重忌廉士多啤梨煉奶泡芙 ¥145
 
【士多啤梨狂迷注意!】「苺の日」日本7仔必食6大甜品!
 
7仔嘅原味泡芙應該有好多人都試過,香濃嘅煉奶忌廉一咬就爆哂出嚟,今次呢個士多啤梨版本,煉奶忌廉中仲加咗士多啤梨味,味道層次豐富咗,唔錯!
 
3. 士多啤梨忌廉包 ¥100
 
【士多啤梨狂迷注意!】「苺の日」日本7仔必食6大甜品!
 
呢個包係7仔嘅全新產品,圓碌碌嘅外表已經非常討好,估唔好口感更加得人鍾意,煙煙韌韌,中間仲包住用咗士多啤梨Jam同煉奶特製嘅忌廉,味道酸酸甜甜,要食哂一個話都冇咁易!
 
4. 士多啤梨忌廉三文治冬甩 ¥120
 
【士多啤梨狂迷注意!】「苺の日」日本7仔必食6大甜品!
 
睇個樣都知呢個係減肥大敵,中間夾住嗰一大堆士多啤梨忌廉就係呢個冬甩嘅精髓,食嗰陣千祈唔好顧住對儀態,一大啖咬落去同時食到忌廉同冬甩先係呢個甜品嘅王道食法!
 
5. 經典士多啤梨朱古力冬甩 ¥120
 
【士多啤梨狂迷注意!】「苺の日」日本7仔必食6大甜品!
 
講到經典冬甩又點可以漏咗沾滿朱古力醬嘅冬甩!呢個冬甩有一半範圍都沾滿士多啤梨朱古力醬,上面仲灑咗士多啤梨脆脆,最驚喜係就算係包裝製品,佢依然keep到好脆口,如果係新鮮即食應該會更加不得了!
 
6. 士多啤梨三文治 ¥298
 
【士多啤梨狂迷注意!】「苺の日」日本7仔必食6大甜品!
 
有時啲野係越簡單越好味,好似呢個士多啤梨三文治咁,中間嘅士多啤梨完全冇用糖調過味同加工,所以入口帶有微酸,加埋甜甜地嘅忌廉,簡單就係好味。
 
唔止得咁少㗎,7仔話佢地仲會繼續追加多款士多啤梨商品,有幸呢兩日都喺日本的話千祈唔好錯過,唔買都入去開吓眼界!