原來係侵權? 任天堂正式向真人街頭Mario Kart公司提出起訴

原來係侵權? 任天堂正式向真人街頭Mario Kart公司提出起訴

雖然任天堂嘅法務部一向都出晒名嘅「精英軍團」。不過由於人類係利益之下都係寧願挺而走險,真係搏你唔理佢。無計嘅,始終瑪利歐同比卡超嗰堆角色一祭出嚟,個勢真係即刻唔同晒。不最近就又有一組織俾任天堂盯上,就係近年活躍於東京街道上嘅Mario Kart。

原來係侵權? 任天堂正式向真人街頭Mario Kart公司提出起訴

Mario Kart相信各位都唔陌生啦(我哋LikeJapan都有採訪過:傳送門),就係所謂嘅「瑪利歐賽車真人版」。幾百港幣就可以穿上瑪利歐嘅造型好似玩真人瑪利歐賽車咁係東京開住架卡車四圍走又真係好爽嘅。

 

不過其實一開始就已經有好多人指出其實佢哋服務其實係冇經任天堂授權嘅侵權服務。不過營運方面就真係一於少理,反正高仿唔算抄嘛,弊在嗰度係東京唔係維園年宵呢。對於呢個卡車租借服務任天堂法務部終於採取行動!

原來係侵權? 任天堂正式向真人街頭Mario Kart公司提出起訴

根據今日(2月24日)任天堂出嘅新聞稿指出,Mario Kart租借服務由於在未經許可下使用遊戲簡稱「Mari Kart(マリカー)」作為公司名稱,同時租借有瑪利歐嘅造型嘅服裝等都涉及商業侵權行為,所以已經於東京地方裁判所申請禁制令,並對任何對任天堂造成嘅損失要求賠償。

原來係侵權? 任天堂正式向真人街頭Mario Kart公司提出起訴

不過其實平時一堆卡車喺涉谷四圍走其實一早就引起其他道路使用者嘅不滿,加上對方係終極方丈任天堂,所以俾人「搞」都係遲早嘅事啦。不過最後究竟日本會唔會好似香港咁突然走班人出嚟聲援侵權呢XD(應該都冇咩可能啦~~)