羽生結弦與宇野昌磨:王者與超新星沿自童年的命運相遇

羽生結弦與宇野昌磨:王者與超新星沿自童年的命運相遇

最近平昌冬奧已經造成唔少熱話,其中一個焦點當然唔少得兩位來自日本分別獲得金銀牌的花滑選手,羽生結弦(yuzu)同宇野昌磨(shoma)。

兩位都係由細細個開始就接觸花滑,yuzu因為姐姐嘅關係開始接觸溜冰,而shoma就因為係冰場遇到另一位日本女子花滑選手—淺田真央而對花滑產生左與趣。

兩位第一次正式喺比賽中碰頭已經係2009-2010年賽季中的日本青年錦標賽,當時兩位已經表現出色並分別獲得第一及第三。除左比賽對手之外,兩位同為日本隊成員,加上曾經一同參與冰演,兩位就情同手足一樣。隨著兩位的成績愈來愈出眾,選手之間的互動都成為左大眾的焦點。

羽生結弦與宇野昌磨:王者與超新星沿自童年的命運相遇

(來源: 花滑選手Javier Fernandez‏ Twitter)

Yuzu同shoma亦有唔少共通點。首先,兩位都係以日本青年錦標賽作為踏出的第一步,並且同其他花滑選手一樣,不斷練習同吸收比賽嘅經驗至可以成就今次平昌冬奧嘅成績。其次,兩位都曾因四週跳而各自獲得國際滑冰總會(ISU)認定,yuzu係成功跳出後外四周跳(4Lo)的第一位選手,而shoma就係第一位跳出後內點冰跳(4F)的選手。另外兩位都係比較好勝同唔會輕言放棄嘅人,係會為左自我挑戰同個人成長而不斷努力嘅選手,例如yuzu曾經係2014-2015年賽季嘅大獎賽中國站熱身中因同其他選手相撞而受傷,但仍然堅持繼續賽事;而shoma亦曾經為左突破自己而不斷嘗試新嘅跳躍,shoma嘅細佬亦親證過shoma會因為嘗試失敗而喊住返屋企。

係個人方面,作為世界排名第一的yuzu除左係繼美國選手後66年來第一位成功衛冕兩屆冬奧金牌之外,男單個人總分,短節目(SP)同自由滑(FS)的分數都係世界紀錄,雖然今年因受傷而無法出戰大獎賽(GPF),但亦留低左四連霸嘅紀錄。

羽生結弦與宇野昌磨:王者與超新星沿自童年的命運相遇

(來源: ISU官方Facebook)

而世界排名第二嘅shoma除左係今屆冬奧亞軍之外,亦係唔同嘅賽事獲得相對穩定嘅成績,而冬奧花滑團體賽短曲亦為日本拿下男子短節目(SP)嘅第一名。

羽生結弦與宇野昌磨:王者與超新星沿自童年的命運相遇

(來源: ISU官方Facebook)

除左以上種種,兩位亦有可愛嘅一面,因為yuzu同shoma同為日本花滑選手,所以每次兩位一齊踏上頒獎台嘅時候都會為對方祝賀,最近熱傳嘅「摸頭相」亦係其中之一。

花滑選手們因為經常喺比賽同比賽後嘅宴會中碰頭,所以都有唔少趣事,其中一樣係選手們喺表演滑(Exhibition)中自拍嘅時侯Yuzu因為唔夠高而被其他選手抱起。而shoma嘅一大趣事就係因為shoma鍾意食肉但唔鍾意食菜所以基本上唔食菜而令採訪嘅人嚇左一跳。

羽生結弦與宇野昌磨:王者與超新星沿自童年的命運相遇

(來源: 日本隊官方instagram)

除左yuzu同shoma之外,其實日本亦有好多有實力嘅選手,大家最近睇冬奧嘅時侯都不妨留意下。最後為大家送上2017-2018大奬賽嘅官方短片。

(來源: ISU官方Youtube「Skating ISU」)