生田斗真 熱戀同劇女演員 進入半同居狀態

生田斗真 熱戀同劇女演員 進入半同居狀態

演技備受肯定嘅Johnny’s人氣男星生田斗真(32歲)同一齊合演過日劇《無間雙龍》嘅新晉女演員清野菜名(22歲)傳緋聞已經傳咗成年,不過最近就真係被雜誌偷拍到兩人關係已經進入半同居狀態!

生田斗真 熱戀同劇女演員 進入半同居狀態
(《無間雙龍》劇照)

2月3日係日本嘅節分,佢哋就被人影到一齊去世田谷區嘅壽司店約會。當日氣溫只得1度,兩人離開餐廳時原本隔開一段距離,但之後都忍唔住在寒冬中緊緊相偎,最後登上的士前往男方嘅高級住宅,仲前後腳落車同入屋添!

生田斗真 熱戀同劇女演員 進入半同居狀態

▲被拍到離開生田斗真住所嘅清野菜名

根據女方嘅友人透露,清野經常向生田取經,每次演技上有問題或對動作戲份感到疑惑時都會同生田認真討論。而生田亦都會認真解答佢嘅問題。兩位對工作嘅想法相近,亦係中意演戲嘅好伙伴,所以從來唔嗌交添!另外生田斗真嘅友人都大爆佢會邀請清野去佢同其他男演員嘅聚會,但喺大家面前,比起「女朋友」更加會以「值得信任嘅演戲夥伴」去對待清野,不過其實大家都知道佢哋嘅關係。

生田斗真 熱戀同劇女演員 進入半同居狀態

其實J家藝人,演員嘅話就冇做偶像咁嚴嘅~不過唔知Toma大個仔幾時會拉埋天窗呢?

Source: 《週刊女性》、《女性自身》