《SOMPOHK 特約:日本賞櫻情報》東京 賞櫻 地點5選! 預備迎接東京櫻花!

每年3月尾4月頭,來自世界各地嘅遊客都會湧到日本賞櫻! 話說日本今年櫻花季節比預期會比歷年早咗,唔單止有部分地區如熊本已經開花,東京方面甚至有預測指今個星期六、日已經會開花,大家究竟揀定地方去賞櫻未?「心大心細」唔知去邊好唔緊要,今次小編就由為大家綜合5個東京賞櫻必到勝地,總有一個啱你心水!

上野恩賜公園

上野恩賜公園係「日本櫻花名所100選」嘅之一,呢度一共種有50種、總共約800棵櫻花榭,每年一到櫻花期就會有來自世界各地嘅遊客湧嚟賞櫻,係日本最具代表性嘅賞櫻名所之一!今年3月21日ー4月8日,上野恩賜公園將會舉行「上野櫻花祭」,除咗同櫻花有關嘅活動之外,仲會有古董市集同其他特色活動,夜晚仲有夜櫻添,賞櫻嘅朋友不容錯過!

上野恩賜公園
鄰近車站:上野駅
點燈時間:上野櫻花祭期間17:30~20:00
上野櫻花祭舉辦時間:2018年3月21日ー4月8日

目黑川

提起「睇夜櫻」,相信冇人能夠忽視目黑川嘅夜櫻! 目黑川長達4公里嘅櫻花路一向都係東京都內有名嘅賞櫻名所,由大橋到目黑站鄰近有超過830棵染井吉野櫻! 如果行唔晒4公里,可以考慮集中喺中目黑站一帶閒逛,影櫻花都一流架! 由於大部份Cafe同餐廳都可以睇到櫻花 ,行到攰隨時可以喺鄰近搵間Cafe飲杯野一邊休息一邊賞櫻!

目黑川

鄰近車站:池尻大橋、JR目黒駅、中目黒駅
2018年中目黑櫻花祭舉辦時間:2018年4月8日 10:00-20:00
2018年中目黑夜櫻點燈舉辦時間:3月24日-4月10日 17:00-21:00

 

新宿御苑

新宿御苑嘅面積有成12個東京巨蛋咁大,入面有成65種共1,300棵櫻花樹,係都內知名賞花地!除此之外,呢度亦以風景式庭園聞名,園內有多款櫻花,由二月緋寒櫻到一般櫻花季節盛開嘅染井吉野櫻,以至四月下旬梅護寺數珠掛櫻,可以賞櫻的時期比較其他地方更長。由於園內禁止攜帶酒精飲品,唔使擔心失驚無神會有醉酒漢鬧事,就算係帶住小朋友一齊去都可以玩得開心又放心!
 

新宿御苑

地址:〒160-0014 東京都新宿区内藤町11番地

鄰近車站:新宿御苑前、千駄ヶ谷、新宿三丁目

營業時間: 9:00~16:00 (16:30閉園)
休息日:逢星期一(若遇國定假假則下一個工作日休息)
入場費:200日圓/中、小學生50日圓/幼兒免費
※禁止攜帶酒類入內,禁止使用遊樂器材
※3月25日-4月24日將會取消所有休息日如常開放
官網:http://www.env.go.jp/garden/shinjukugyoen/english/index.html

 

 

播磨坂

位於文京區地鐵丸之內線「茗荷谷」站鄰近嘅播磨坂,由『茗荷谷』車站徒步約7分鐘左右就到 ,係條可以欣賞環狀3號線道路櫻花嘅林蔭大道,沿途以染井吉野櫻為主,共有多達120棵櫻花樹,由於播磨坂並非熱門旅遊地區,反而方便大家可以悠閒地賞櫻,加上文京區每年3月下旬至4月上旬都會舉辦櫻花祭,而櫻花祭期間更加會有櫻花點燈活動,實在不容錯過。


 

播磨坂 並木之櫻

地址:文京區小石川4~5丁目
鄰近車站:地鐵丸之內線「茗荷谷」
※文京區櫻花祭2018於3月24日至4月8日舉行
※櫻花祭點燈活動時間為17:00~21:00

 

小石川後樂園

同六義園合稱江戶兩大名園嘅小石川後樂園,呢個將京都清水寺、渡月橋,甚至中國嘅圓月橋同西湖堤等名景融入其中嘅庭園,就算唔喺櫻花季節都已經靚到爆炸。而喺櫻花季節,除咗染井吉野櫻之外,遊客一入大門就會見到兩大棵勁靚嘅垂枝櫻,配合小石川後樂園嘅庭園景色,打卡真係一流!

小石川後樂園
地址: 文京區後楽1-6-6

開放時間:9:00~17:00(入園截止至16:30)
鄰近車站:JR總武線、地鐵東西線、有樂町線、南北線、都營地鐵大江戶線「飯田橋駅」/地鐵丸之内線、南北線「後楽園駅」
休息日:年末年初(12/29~1/1)
入場費:300日圓/65歲或以上150日圓/小學生或以下免費
官網:http://teien.tokyo-park.or.jp/hk/koishikawa/index.html

==============================

【保險優惠】SOMPO「旅遊樂保險」由即日至4月30日,投保時輸入優惠碼「sompoeaster」可獲4折優惠, 3日單人「銀計劃」保費低至$44.8!投保即入:https://www.likejapan.com/sompo40off

【保險優惠】現投保「日本旅遊樂」,即送「Nippon Rent-A-Car」優惠券,可享受高達八五折租車優惠! 投保即入:https://www.likejapan.com/sompocar85