東京即時降雨情報APP 正式登錄智能手機

去旅行除咗「彈盡糧絕」之外，落雨都應該算係一大嚴重煩惱啦。特別係去到啲郊區嘅旅遊景點，玩到一半甚至去到目的地就發覺「中招」你話幾掃興呢。

其實防災科學技術研究所同東京下水道局合作搞嘅網站「東京アメッシュ」就一向有實時收集整合東京都降雨同警報，而呢個「東京アメッシュ」最近就化身應用程式分別登錄Android同IOS系統(IOS系統為「東京アメッシュログ」)。

現時所在地以紅色表示，登錄地區以藍色表示

從應用程式除咗可以CHECK降雨情報同記錄外，更可以同GPS聯動及最多登錄兩個地方，以隨時得到精準地方嘅降雨情報。另外亦可以由兩小時前逐5分鐘以動畫重播地區降雨狀況。

不過因為資料來源係來自東京下水道局，所以目前服務只係支援東京地區。希望日後日本其他地方都有同樣服務供應啦！