【靚景美食祭典樣樣齊】睇盡 岩手 縣11大景點!

如果大家想去日本東北旅行,不如可以試下去 岩手 !岩手出名有冷麵、蕎麥麵、毛蟹等嘅美食之餘,春天可以賞櫻、冬天仲可以參與唔同祭典。今次小編會為大家介紹春天同冬天嘅岩手兩日遊行程,希望大家可以玩得開開心心!

 

岩手 春天行程

Day1 : 盛岡站→北上市站公園展勝地→江刺藤原之櫻花迴廊

Day2: 中尊寺金色堂→遠野傳承園→河童淵

 

Day1行程

首先大家由盛岡站出發,搭車約60分鐘就會嚟到第一站嘅北上市站公園展勝地

第一站:北上市站公園展勝地


 

北上川河畔會有長約2km、種滿櫻花樹嘅大道比市民賞櫻,於櫻祭(4月10日到5月6日)舉行期間,仲有唔少傳統日本鯉魚旗係空中飛舞。其中遊歷船都會係河上行駛,依度更加係好多日本市民每年都會嚟賞櫻嘅地方,可以體驗日本人賞櫻嘅方式。

觀賞期間:4月下旬

地址:岩手県北上市立花

前往方法:於JR盛岡站乘東北本線(往一ノ関),於北上站步行20分鐘或轉乘巴士,於「展勝地」站下車後步行約1分鐘。

費用:全免

 

第二站:江刺藤原之

歷史主題公園「江刺藤原之鄉」,可以喺充滿傳統建築嘅園內,體驗日本平安時期嘅貴族生活,仲可以有和服體驗同朋友影靚相添!大人入場費只係800日圓,真係幾抵架!(和服體驗另費)

開放時間:09:00- 17:00 (入場要於閉園前一小時/冬期11月1日~2月尾16:00閉園) ,年中無休

地址:岩手県奥州市江刺区岩谷堂字小名丸86-1

費用:大人800日圓、高中生500日圓 小童、中學生 300日圓

 

第三站:櫻花迴廊

 

櫻花樹延綿國道397號線週邊,長約7km,形成櫻花迴廊。依個地方入選日本全國賞櫻百選,如果大家夜晚到訪,仲會可以見到點燈下嘅夜櫻,襯托黑色夜空非常美麗。

觀賞期間:4月中、下旬

地址:岩手県奥州市胆沢区若柳地内

前往方法:於「水沢站」乘坐 巴士,於「ひめかゆスキー場行徳水園」站落車

費用:全免

 

Day2行程

第一站:中尊寺金色堂

相片提供:中尊寺

依個係統治東北嘅藤原氏喺11世紀建立嘅寺廟,當中嘅金色堂全部貼上金箔,仲有金銀珠寶作裝飾,體現左果個時期嘅黃金文化。依個仲係古代貴族追求萬物平等而建嘅理想鄉,係2011年成為世界遺產。

開放時間:3月1日至11月3日:8:30~17:00/11月4日至翌年2月尾:8:30~16:30

地址:〒029-4102 岩手県西磐井郡平泉町平泉衣関202

前往方法:於「JR平泉駅」乘坐巴士前往「中尊寺月見坂入口」車站

費用:大人800日圓、高中生500日圓、中學生 300日圓、小學生200日圓

 

第二站:遠野傳承園

以傳統建築展示古時農家生活、文化,仲有唔少傳統工藝裝飾品賣,更加有製作日本工藝品嘅工作坊、餵鯉魚體驗!一家大細去嘅話實會好開心。

開放時間:09:00- 17:00 (最後入園時間:16:30)

地址:岩手縣遠野市土淵町土淵 6-5-1

前往方法:於遠野站乘坐早地峰巴士(25分鐘車程)於「足洗川巴士站」落車、徒歩3分鐘

費用:一般320日圓、高中生以下220日圓

 

第三站:河童淵

同樣位於遠野承傳園園內嘅河童淵,有傳河童出現過係淵內,除景色優美之外,岸邊仲有拜河童嘅祠堂。

地址:岩手縣遠野市土淵町土淵 6-5-1 遠野承傳園園內

 

額外推介

如果大家想去岩手其他地方,我地Likejapan都有推薦!大家不妨用作參考行程編排~

Salad Farm 任摘草苺

Salad Farm入面嘅「士多啤梨森林」,可以供入場者喺40分鐘內任摘7種士多啤梨。溫室內大約20度,通道寬闊,歡迎一家大細、朋友、情侶或者自己一個人去摘過夠!

開放時間:10:00-15:00、最後入園時間14:00 (逢星期一至四休息 (任摘士多啤梨開放月份:1-6月))

地址:〒028-7113 岩手県八幡平市平笠2-6-333

前往方法:於JR花輪線大更站坐15分鐘的士前往「サラダファーム」

費用:40分鐘任食任摘 大人2000日圓・65歲以上、小學生 1700日圓・3歲- 未滿小學生 1000日圓・未滿3歲為免費
詳細收費可參考官網

 

上坊牧野、一本櫻

位於八幡平市嘅上坊牧野,係岩手縣有數嘅知名觀光熱點,當中最有名嘅就梗係一本櫻啦。以留有殘雪嘅岩手山做背景,生長係草原嘅一棵櫻花樹非常壯觀。附近除咗可以睇到放牧嘅牛隻外,仲有八幡平温泉郷,希望多花時間於同區慢慢深度遊覽嘅朋友就要特別留意啦!
 

估計開花時期:5月中旬

地址:八幡平市松尾寄木

前往方法:JR花輪線大更站轉乘15分鐘的士

 

 

盛岡城跡公園

可以欣賞到日本古城遺跡,仲映襯住容易消逝嘅櫻花,感覺滄桑。春天有約200棵櫻花盛放,喺盛岡櫻祭期間仲會點燈,可以見到夜櫻。喺公園附近仲有一棵「石割櫻」,係穿破大石生長嘅櫻花,睇到植物嘅生命力。

觀賞期間:4月下旬~5月上旬

地址:岩手縣盛岡市内丸 1-37

前往方法:盛岡站出發徒步15分鐘

費用:全免

 

岩手 冬天行程

Day1: 盛岡站→淨土之濱→宮古魚菜市場→宮古站→久慈站

Day2: 久慈站→宮古站→遠野傳承園→盛岡手製村→岩手雪祭

 

Day1行程

第一站:淨土之濱

可以睇到集齊雪、海、石嘅自然風光,係岩手最具代表性嘅景色。白雪同碧藍嘅海,依個組合對香港人嚟講真係好難得一見!

地址:岩手県宮古市日立浜町32

前往方法:JR盛岡站乘JR山田線/快速往JR宮古站,再轉乘巴士前往淨土之濱(浄土ヶ浜)

費用:全免

 

第二站:宮古市魚菜市場

 

市場有唔少新鮮海鮮、仲有海鮮醬油可以賣!其實仲有勁新鮮嘅海鮮蓋飯,好多人都話好好食!而岩手出名嘅野食包括蠔、海膽都可以係依度食到架!

開放時間:06:30-17:30

地址:岩手県宮古市五月町1-1

前往方法:JR宮古站徒步10分鐘

 

第三站:宮古站→久慈站 (體驗三陸暖爐列車)

三陸鐵路嘅北谷灣線喺冬天都會有全席暖爐嘅限定列車行走。乘客可以一邊觀賞窗外海洋等風光,享受100分鐘嘅旅程,仲會有各景點停車進行廣播介紹。乘車結束後,仲有乘車證明書作禮物。

運行期間:大約每年12月中到翌年3月31日的星期六日、假期

運行時間:一日兩班 (12:15久慈開出 14:40宮古開出),乘坐情報可參考官網

費用:車費1850日圓、座位指定費310日圓

 

Day2行程

第一站:遠野傳承園

以傳統建築展示古時農家生活、文化,仲有唔少傳統工藝裝飾品賣,更加有製作日本工藝品嘅工作坊、餵鯉魚體驗!一家大細去嘅話實會好開心。

開放時間:09:00- 17:00 (最後入園時間:16:30)

地址:岩手縣遠野市土淵町土淵 6-5-1

前往方法:於遠野站乘坐早地峰巴士(25分鐘車程)於「足洗川巴士站」落車、徒歩3分鐘

費用:一般320日圓、高中生以下220日圓

 

第二站:盛岡手製村

集齊盛岡各種傳統產業嘅設施,可以體驗100日圓燒仙貝、仲有近來香港大熱嘅「藍染工作坊」等等,都會有專人指導。以「視覺、觸覺」為主,讓製作者可以同遊客直接交流。

開放時間:08:40-17:00

地址:岩手県盛岡市繋字尾入野64-102

前往方法:於盛岡站或盛岡巴士中心乘坐岩手県交通 繋・鶯宿線 巴士前往「盛岡手づくり村」

費用:免費入場、工作坊另費

 

第三站:岩手雪祭

陸奧五大雪祭之一,每年有唔同主題嘅雪像展覽,更有舞台劇、幻想煙花等多姿多彩嘅雪祭項目。日落後,仲有彩燈點亮雪像,睇落進入咗幻想世界咁!

觀賞期間:毎年 2 月初旬~中旬

地址:〒020-0585 岩手県岩手郡雫石町長山岩手山

費用:視乎每年活動舉辦場地,詳細請參考官網

 

額外推介

安比高原滑雪場

 

安比高原滑雪場有18個滑雪纜車同21條滑雪路線,係東北地方擁有最大規模嘅滑雪場。不但有初學者路線、都有中上級人士嘅斜面,仲有可以享受天然粉雪嘅路線。有纜車可以上山,官方都有中文小冊子去指導使用者。

開放期間:暫定毎年 12 月~ 5 月初旬

地址:岩手県八幡平市安北高原

前往方法:於盛岡站西站口 NO.26巴士站乘坐巴士前往安比高原

費用:視乎季節、逗留時間,詳細可參考官網

 

盛岡的雪光

「雪光」,即係用雪做成一個小型嘅外殼、再係入面點蠟燭。對盛岡市民嚟講,依啲雪光充滿咗市鎮的溫暖,係寒冷之中點亮城市。蠟燭同雪像都係義工一個一個手做,雪光交融,充滿幻想。

開放期間:毎年 2 月中旬

地址:岩手縣盛岡市内丸 1-50 盛岡歴史文化館前廣場  

前往方法:盛岡站出發徒步15分鐘

費用:全免,活動詳細可參考官網

 

遠野節濁酒節

喺遠野鄉土村入面享受當地酒店嘅濁酒節,濁酒更加係日本酒嘅原型。仲可以食到鄉土料理之餘,觀賞代代傳承嘅神樂表演。

開放期間:毎年 11 月〜 3 月

地址:岩手縣遠野市附馬牛町上附馬牛 5-89-1  

費用:1800日圓(食物加入村費) (要事前預約),詳細可參考官網
 

岩手必食推介

小碗蕎麥麵

小碗蕎麥麵係岩手傳統料理,食完一碗,個待應就會幫你添上新一碗,好有特色。如果問日本人岩手有咩,可能唔少人會提起小碗蕎麥麵,好有代表性。

 

盛岡冷麵

岩手盛岡三大麵之一,麵條彈牙,仲有泡菜、而湯底由牛肉同雞肉煮成,非常吸引。

以上就係小編為大家介紹嘅岩手春天、冬天嘅行程攻略,當中包括咗唔少岩手嘅代表性景點,希望大家玩得開心、食得開心!

資料/來源:岩手縣
連結:https://iwatetabi.jp/

部分圖片提供:岩手縣觀光協會