前AKB48核心成員大島優子（28歲）尋日於仙台粉絲見面會公布嚟緊將會暫停日本演藝活動及出國進修。大島優子嘅事務所亦已確認事實，不過就指暫時未規劃出發時間同目標地點，因為係私人旅行嘅關係，亦都無打算向公眾交代。
據知情人士指，大島優子好耐之前想實現出發前往海外嘅夢想，仲公然談及過希望可以到美國或者歐洲。不過今次暫時性嘅暫停演藝活動，並非從藝能界引退。事務所仲指如果大島優子有重要嘅工作都會返番嚟日本。佢最快將會於8月離開日本。
優子熱愛旅遊，經常在IG發布到歐洲等地的旅遊照片。
自2014年從AKB48畢業起，便以女演員身分活躍於日本演藝界，今年年頭亦出演人氣日劇《東京白日夢女》。嚟緊11月將會踏入29歲，相信嚟緊呢年對佢身為2字頭最後一年都係非常重要嘅一年，希望佢浸過咸水返黎之後會有更突出嘅表現啦！
About Post Author
