廉航雖然經常出現各種各樣嘅問題,不過由於部分價格都真係相對上相宜,同時時間帶方面又滿足到部分朋友,因而始終都到唔少人嘅支持。不過以日本嚟講,由於部分國內線長期乘客不足,使得嗰啲路線都仍未有LCC肯染指。

現時根據規定,定期路線一早向政府提供咗飛行計劃嘅航班,只能於天氣惡劣或機件故障等原因才能取消航班,而乘客太少係不能夠取消航班。

就呢個問題,日本國內嘅廉航就反映如果對於取消航班有更大彈性,例如人數真係太少就能取消嘅話,佢哋就可以更加放膽經營一啲係經營層面上難以開辦,不過於交通層面上有意義嘅路線,亦有機會令票假可以進一步降低。

國土交通省方面就承諾可以研究可能性,不過就必須保證解決「通知已購票乘客航班取消嘅死線」,以及「保證乘客有其他合理交通手段」。


資料來源:NHK NEWS