【又一套真人版】《東京喰種》真人電影男女主角公開

【又一套真人版】《東京喰種》真人電影男女主角公開

每次有動畫真人版卡司公開嘅時候我都會覺得…走啦我唔想搞大佢。
 
上個禮拜,石田翠老師所作漫畫、發行數達1800萬部嘅《東京喰種》就喺官方網站公佈咗將會變成真人大電影,今日終於公佈埋卡士啦!好多網民原先估會係神木隆之介咗男主角啦,又名「金木小天使」嘅主角金木研將會由新版Death Note男主角窪田正孝主演。超型女主角霧嶋薫香就會係今季日劇《世界上最艱難戀愛》演美咲同事嘅21歲女星清水富美加飾演。
 
【又一套真人版】《東京喰種》真人電影男女主角公開
【又一套真人版】《東京喰種》真人電影男女主角公開

 

通常公佈呢啲卡士都會引起好多粉絲嘅激烈反對。但今次係石田老師主動批准呢兩位做男女主角,仲話非常佩服窪田嘅演技,話如果呢個世界真係有金木,應該就係同窪田一模一樣添!而清水亦都係石田老師親切推薦添喎。窪田自己就話受寵若驚,因為自己都係《東京喰種》嘅粉絲。好多網民已經話因為窪田係個認真嘅男演員,而且成功再現夜神月嘅「計劃通」樣,所以都幾支持咁話喎。
 
【又一套真人版】《東京喰種》真人電影男女主角公開

 

除了男女主角外,石田老師就預告話會有好多你估唔到嘅人會參演今次電影,叫大家期待下。今次嘅導演係拍開微電影同廣告嘅萩原健太郎,故事會以連載中嘅《東京喰種》為原作,講述因傷送院被意外移植少女利世嘅心臟成為半喰種後同專門驅逐喰種嘅搜查官CCG熱戰嘅故事,電影亦會於2017年夏天在日本全國上映。

 

話時話,我想知邊個演大美食家月山習多啲囉。
 

【又一套真人版】《東京喰種》真人電影男女主角公開