西日本唯一見到超可愛白鯨!400種海洋生物島根海洋館!

西日本唯一見到超可愛白鯨!400種海洋生物島根海洋館!

島根海洋館係一個面向日本海,可以見到白鯨嘅水族館,館內有約400種,總數大約為1萬隻嘅海洋生物。由JR山陰本線波子站徒步10分鐘就會到達~

西日本唯一見到超可愛白鯨!400種海洋生物島根海洋館!

島根海洋館入場費為大人1540Yen(連稅),小、初中學生510Yen(連稅)。

海洋館一共有3層,首先1樓有「石見萬葉海濱・日本海」嘅區域,哩到可以睇到到喺島根附近同漁港常見嘅海洋生物,生活於對馬暖流同冷水嘅魚。(例如島根縣縣魚「飛魚」,沙丁魚,水母等。) 帶我哋嘅職員仲同我地講話「哩個區域水族箱內有好多魚其實都非常好食」(笑)

西日本唯一見到超可愛白鯨!400種海洋生物島根海洋館!

另外仲有「神話之海・海底隧道」嘅區域。哩到有個重量有成1000噸嘅立體水族箱,入面有十幾種唔同類型嘅鯊魚,係館內嘅重頭戲之一。有時候仲有機會見到潛水員同鯊魚喺同一個水族箱嘅畫面添!行到去海底隧道可以由下面望上水族箱,鯊魚會喺你嘅頭上游嚟游去,好似自己置身於海入面咁㗎!

西日本唯一見到超可愛白鯨!400種海洋生物島根海洋館!

西日本唯一見到超可愛白鯨!400種海洋生物島根海洋館!

去到2樓就可以到見到島根海洋館另一個重頭戲,就係只有哩到先可以睇到嘅白鯨表演,記者去嘅時候,因為表演場地正進行維修,所以只可以睇到佢哋練習同玩嘅情況。但唔洗擔心,維修只係去到3月下旬,3月24日之後就已經可以睇到白鯨嘅「幸福泡泡環」,「幸福的魔法魔術之環」等非常可愛嘅吐泡泡環表演㗎啦!

西日本唯一見到超可愛白鯨!400種海洋生物島根海洋館!

西日本唯一見到超可愛白鯨!400種海洋生物島根海洋館!

2樓仲有個海獅海豹池,可以喺依到欣賞到加洲海獅同斑海豹嘅精彩表演,佢哋都非常聰明,識玩波又識玩呼拉圈,仲會同訓練員有非常有趣嘅交流,好得意㗎!

西日本唯一見到超可愛白鯨!400種海洋生物島根海洋館!

西日本唯一見到超可愛白鯨!400種海洋生物島根海洋館!

最後去到3樓,就有個珊瑚礁區域,哩到除咗可以超巨型水族箱入面見到多種珊瑚礁之外仲可以睇到好多熱帶海洋生物喺入面,顏色鮮豔奪目,觀賞之後影相就一流啦!

西日本唯一見到超可愛白鯨!400種海洋生物島根海洋館!

3樓另外可以行去企鵝館,可以近距離見到又大又可愛嘅企鵝,例如國王企鵝,巴布亞企鵝同冠企鵝等,行落洪堡企鵝區仲可以體驗到企鵝喺你頭上游嚟游去超可愛!

西日本唯一見到超可愛白鯨!400種海洋生物島根海洋館!

西日本唯一見到超可愛白鯨!400種海洋生物島根海洋館!

睇完咁多可愛嘅海洋生物就可以買埋手信返去留念!位於2樓嘅海洋公館紀念店有好多唔同嘅手信可以俾大家買,好似海洋生物公仔,島根海洋館限定食品手信等等都有,記得慢慢睇慢慢選擇啦!

西日本唯一見到超可愛白鯨!400種海洋生物島根海洋館!

西日本唯一見到超可愛白鯨!400種海洋生物島根海洋館!

島根海洋館

地址:〒697-0004 島根県浜田市久代町1117番地2
營業時間:9:00~17:00(需於閉館前1小時前入館)
※7/20~8/31營業時間:9:00~18:00
逢星期二休息(若星期二為公眾假期休息日將變為下一日)
黃金週,夏季假期,冬季假期,春季假期期間會無休營業
網頁詳情:按我
有關石見地區的其他觀光地區,可以參考呢個網站:按我