自1997年4月起播出以嚟受到世界各地粉絲熱愛嘅動畫《寵物小精靈》又推出最新劇場版作品啦！今次呢套「劇場版ポケットモンスター キミにきめた！」講述主角小智同比卡超最初相遇嘅情形。唔好睇佢哋而家簡直好似天生一對咁非常合拍，原來一開始比卡超對小智嘅態度係非常之唔合作㗎！另外，今次劇場版仲有傳說中嘅「鳳凰」出場，佢亦係動畫版第一集有登場過嘅傳說級Pokémon嚟架！
▲預告片一開始以大木博士嘅聲音講一句：「嗰隻剩低嘅Pokémon呢就有少少問題嘅…」作為開始。
▲「你知道嗎？」
▲小智話：「比卡超，你要入嚟呢度呀！」
▲但比卡超好唔合作，仲用條尾一嘢揈開個精靈球，仲打到小智塊面XD
▲小智：「點解你唔肯入嚟喎～～」
講真，小編唔係比卡超fans，而家先知道原來比卡超有咁傲嬌嘅一面。
鏡頭一轉，小智準備示範溝女…啊唔係，係收後宮 oh I mean 收精靈秘笈。
▲見到因為比卡超唔肯入精靈球所以小智唯有拖住佢行（虐畜!?）
▲小智：「你唔鍾意我？」
▲比卡超：「Pika～chu
」
▲小智：「（超級無敵直白）我鍾意你呀！」
▲比卡超：「
」
就咁，一段愛情故事就開始咗。
▲跟住鏡頭又移到兩人喺雨中一仆一碌，而最後小智冒著雨抱住比卡超喺度跑。
▲面對一堆鬼雀過嚟襲擊，小智勁man表示未驚過企喺比卡超前面保護佢。
呢一幕，有睇過20年前嘅動畫嘅你有冇印象呢？
▲拎住鳳凰羽毛嘅小智：「終有一日，我哋再一齊去見佢囉！」
▲冒險就係喺呢度開始架喇！
今時今日嘅小朋友未必知道小智同比卡超嘅「想當年」，相信本作會為佢哋帶來新鮮感～而有睇開嘅fans就應該會覺得幾感動又令人懷念。電影將於7月15日率先喺日本全國上映，唔知香港有冇得睇呢～
電影官方網頁：http://www.pokemon-movie.jp/
另：
小編好奇之下問了身邊嘅Pokémon fans，好似話官方設定比卡超性格比較內向而且唔敢親近小智，不過最後被小智感動
。而有粉絲傳說話其實比卡超好有靈性，一早認定小智係佢主人，但只係想考驗佢所以成日俾面色佢睇/電佢
～有冇知道答案嘅fans可以解答下呢？
About Post Author
