相信有睇開日劇日影嘅人都唔會對高橋一生感到陌生架喇！今年36歲嘅佢細細個就已經開始演戲，雖然未必做主角，但佢都參演過好多劇集作品，演技備受肯定。尤其近年多咗演出人氣作品，開始被觀眾記住佢獨特嘅演技同演出風格，名氣及人氣急升，今季仲夥拍松隆子、松田龍平、滿島光等實力派演員主演話題日劇《四重奏》。
話說早前佢登上女性雜誌《an・an》「官能的流儀」特集號封面、同外國模特兒拍攝多張超性感照片，更露出平時日劇好少見嘅好身材！書中嘅訪談更提起佢曾經收到有夫之婦粉絲來信指，話想同高橋一生搞婚外情添呀XD 可見佢而家係一個幾受女性觀眾歡迎嘅男演員！
出版社就透露今期雜誌比平時銷量高出接近兩倍，好多書店都要不停入貨！咁當然，每次《an・an》搵當紅男明星影超性感裸照個期通常都會大賣同成為話題嘅。咁到底點解高橋一生會跑出成為今次嘅封面男主角仲引起咁大迴響呢？一齊睇下日本資深娛樂記者嘅分析啦！
1）雖然係草食系鹽顏男，但就識溫柔地利用男人天生嘅色氣攻陷女性嘅心
冇錯，高橋一生嘅外表絕對係一個草食系，而且係鹽顏男，即係表面對女性冇乜興趣，而且唔會構成威脅，個樣成日cool cool地睇唔出佢嘅心情變動嘅男性。但女人就係覺得咁樣先吸引同會想知道佢諗乜、佢嘅神秘感來自乜。而佢亦都有非常性感嘅fit爆身材，同時有種文科男仔專有嘅溫柔魅力。
2）就算賣性感賣有型但都唔會chok樣
一般男星影呢啲性感照片、或要做到好有型嘅時候通常都會chok樣。但高橋嘅表情係完全放鬆，用一種慵懶嘅眼神望住你。雖然我唔會話呢本係鹹書XD（咁佢又真係18禁嘅），但無可否認女仔or女性粉絲都係想買嚟收藏J or FF用嘅，所以佢呢個咁溫柔嘅性感就令年齡幅度更廣嘅女性讀者都覺得容易代入，好似佢真係隔住本書望緊我咁！
3）連雜誌嘅排版都幫埋帶出高橋嘅特質！？
今次嘅排版係順序、循序漸進嘅 
。首先係擁抱，跟住係kiss，之後先除衫…但留意除衫個度係女模特兒先除佢件衫，佢先再出女模件衫。而喺床上嘅照片都顯示女性先攻、之後先由番男性（即係佢）做主導。因為呢啲照片嘅排序方法令女性粉絲更加覺得佢真係有種耐人尋味嘅魅力，係要女性先去深入探究先會引發出嚟嘅…（明的會明）
如果想要高清圖就自己買本嚟睇喇
不過睇嚟今次已經成功將高橋打造成新一代色氣男神，睇嚟齊藤工終於有勁敵喇～
資料來源：Livedoor News
About Post Author
