信玄餅係咩嚟？
可能香港人一聽信玄餅會唔知係咩嚟，但係我相信大家都一定有見過！一粒粒好似糯米糍咁嘅甜味年糕，上面沾滿晒黃豆粉嘅日本傳統和菓子就係信玄餅啦～相傳喺戰國時代，有一位叫武田信玄嘅大名喺行軍打仗嘅時候會用年糕加上糖做緊急食糧，後來大家為咗紀念佢，就將依樣食品命名為信玄餅啦！
—————————————–
桔梗信玄餅工場 製作包裝任你睇
今次要同大家介紹山梨縣笛吹市嘅桔梗信玄餅工場～依到有得睇信玄餅嘅製作同包裝過程，另外仲有得試吓自己自己包裝（當然仲可以帶返屋企啦）同食信玄餅甜品㖭！
參觀信玄餅工場
一嚟到信玄餅工場嗰陣，第一個感覺就係，好～大～啊～仲唔到咁細件嘅信玄餅，原來係用咁多咁巨型嘅機器整出嚟嘅！從玻璃窗上望出去，可以見到一粒粒已經調咗味嘅年糕經過運輸帶送到去一個個裝滿黃豆粉嘅鐵盤。工人就企定定喺個鐵盤側邊，不停地將黃豆粉撲上年糕上面。另外一邊就見唔到工人嘅身影，淨係得啲機器夾住個膠樽仔，逐個逐個轉去裝黑蜜～～最後一件件信玄餅同一樽樽黑蜜都整好晒之後，兩樣嘢就會送到旁邊嘅大工場比工人做最後嘅包裝～見到佢地平均5秒鐘就包好一粒，好犀利！
—————————————–
親手包裝信玄餅
喺信玄餅工場依到，只要畀390円就可以試吓親手包裝一盒4件嘅信玄餅㗎啦～工場員工會親自教你點樣包，睇落好似好簡單，不過想包到好似佢地幾秒就包完一粒簡直係不可能嘅任務（笑）以咁平嘅價錢就可以試到包裝體驗，仲有得成盒信玄餅帶返屋企，真係非常抵玩！
—————————————–
必食超人氣桔梗信玄軟雪糕
依度嘅桔梗信玄軟雪糕係桔梗信玄餅工場嘅超人氣甜品，一日可以賣成2000杯咁多，真係唔係講笑！除左原味之外好受歡迎之外，仲有戀之抹茶味㗎～兩款雪糕配上煙韌嘅信玄餅同黑蜜，黃豆粉香、年糕煙韌、雪糕軟滑，冇得頂啊～～～
—————————————–
桔梗信玄餅工場テーマパーク
山梨県笛吹市一宮町坪井1928
見學時間：9：00～16：00
About Post Author
