Like Japan 山梨Plan 11 山中湖 水陸兩用巴士 上山下海好刺激

山梨縣山中湖依邊山明水秀,睇風景影靚相真係一流!想舒舒服服欣賞山中湖嘅美景的話,山中湖水陸兩用巴士KABA就啱晒你啦~~~依架水陸兩用巴士KABA可以「上山下海」,無論穿梭紅葉林定係衝入山中湖,都難唔到佢㗎~

————————————

車程30分鐘 見盡山中湖水陸美景

KABA圍繞山中湖行一圈大約需時30分鐘,沿途會經過樹林、公園等等,秋天嗰陣望落去真係成大片紅葉林咁好靚㗎!行得咁上下,架車就會衝落個湖到,見到巴士外啲水花彈到咁高,成架車所有乘客都好high!巴士喺湖上面會變成成架船咁,喺湖到開20分鐘~依20分鐘入面,大家要把握時間同湖上超級近嘅富士山打卡啊!我當日去嗰陣咁啱個太陽喺富士山上面,真係靚到不得了~~~

————————————

車上大玩知識小遊戲

 

有啲人唔鐘意玩觀光車,怕悶咁話~不過坐KABA就一定唔會悶親你啦!因為導賞員會沿路為大家講解車外嘅景點,又會同乘客大玩小遊戲,例如叫大家估吓代表山中湖嘅花係咩啊之類,大家都好踴躍答問題,好搞笑!

————————————

語音導覽 唔識日文都唔驚

啱啱講到導賞員會沿路講解車外景點啦,咁唔識日文點算啊?唔洗擔心~大家可以利用免費嘅語音導覽機,咁大家就可以一路聽住中/英文嘅解說,一路欣賞美景啦!另外,大家可以喺前面座位椅背後面個袋到搵到每一題小遊戲嘅翻譯本,咁就連外國人都可以冇任何語言障礙地同大家一齊玩小遊戲啦~

————————————

票價
大人2200円
小童1100円

————————————

交通小貼士
乘搭路線巴士於山中湖旭日丘站下車

————————————

水陸兩用巴士KABA
山梨県南都留郡山中湖村平野506-296
預約網址:https://busreserve.fujikyu.co.jp/customer

————————————

想成班親友去日本旅遊玩得舒適又方便?交通安排就交畀「五稜」啦!

「五稜」提供日本本地包車服務,根據旅客人數及行李數量等,提供13座、24座及53座等唔同大小嘅車輛,無論係家庭旅遊定公司團體都適合!

唔識日文都唔洗怕,「五稜」有中英日三語的Whatsapp/LINE helpdesk服務,仲可以安排領隊陪同周圍玩㖭!另外仲有各類門票、餐廳、溫泉旅館、酒店預約等服務,一站式服務夠晒貼心方便啊! 

想跟住Like Japan呢次山梨之旅望住富士山浸溫泉?或者想一班人包車去滑雪?「五稜」司機經驗豐富,確保大家有一趟輕鬆、安全同安心嘅旅程~

 

GORYO 五稜

網頁:http://www.goryo.co.jp/
Facebook:https://www.facebook.com/goryobusandtravel/