【Like Japan放送室】專訪日本陪酒女郎Part-Time介紹所 MORE

【Like Japan放送室】專訪日本陪酒女郎Part-Time介紹所 MORE

 

日式夜總會,打機睇日劇就見得多喇,但大家其實對呢個topic嘅認識有幾深呢?
日本陪酒女郎呢個行業係鼎盛、定係人才短缺?陪酒女郎同風俗、妓女原來大所不同,賣酒唔賣身到底又搵到幾多錢呢?
嚟緊一系列嘅《Like Japan放送室》會同大家探討下日本嘅陪酒女郎文化。
今日先為大家介紹,喺日本有專門搵part-time陪酒女郎嘅公司㗎!
 

【Like Japan放送室】專訪日本陪酒女郎Part-Time介紹所 MORE

呢間叫「MORE」嘅公司,透過網站幫助有興趣兼職做陪酒女郎嘅女仔同有需要嘅夜總會配對,成個系統喺日文就叫「派遣キャバ嬢」。負責人春木先生話我哋知,網站成立至今已有7000多個女性使用,每個月會多200個新嘅用戶登記添。做派遣比做全職或專屬陪酒女郎好嘅地方包括:可以彈性上班(會根據用戶希望嘅時間安排更表)、可以即日領取薪金、唔需要達成店舖嘅目標業績(無業績壓力)、最緊要係無經驗都可以做~
 
【Like Japan放送室】專訪日本陪酒女郎Part-Time介紹所 MORE
咁到底係咪咩人都可以去做嘅呢?春木先生話其實有條件架!如果面試嘅時候啲女唔識答問題、講嘢好細聲、或者連敬語都講唔好,達唔到基本水準嘅要求就無得做。另外,佢話用戶最多係20-25歲,其次就係26-30歲;偶爾都會有啲18、19歲嘅女仔登記。除咗大部份用家本身有正職、都係想做派遣搵下外快之外,偶爾都會有啲同藝能界有關嘅女仔嚟登記架!佢仲話試過有AV女優嚟登記,嚇咗一嚇添!
 
【Like Japan放送室】專訪日本陪酒女郎Part-Time介紹所 MORE
咁到底做派遣陪酒女郎搵到幾多錢呢?其實每間舖頭開嘅價都唔同:一般都係時薪3000yen至3500yen,但好似六本木或新宿、甚至銀座等高級啲嘅地方就可能有4000yen或以上嘅時薪。之但係,有啲舖頭可能會收取提供俾你嘅衣裝費,所以話就話4000,有機會抽返你2000yen嘅「行政費用」架!

 

咁點解會有咁多女仔做陪酒女郎?當然每個行業都有賺錢嘅「捷徑」…
我哋下集會搵嚟真係做緊派遣嘅陪酒嘅Risa同我哋爆大鑊,睇番片尾我個樣係名副其實嘅O晒嘴!到底佢同我講咗啲乜?下回分曉!
【Like Japan放送室】專訪日本陪酒女郎Part-Time介紹所 MORE

 

特別鳴謝:キャバクラ派遣More 全力協助拍攝
網址:ccccc.biz