號稱日系鄰家偶像嘅TPE48,喺日本女子天團AKB48官方公認嘅海外姊妹團,組合名字「TPE」取材自「TaiPei 台北」,而Logo顏色就來自台灣嘅代表性水果「芒果」。

 

TPE48一期生正式招募計劃

其實管理AKB48嘅製作人 秋原康,早喺2011年已經首次公開過TPE48計劃,可惜事隔一年後,官方宣佈計劃順延。直至2017年7月,官方透過《AKB48 Fan Meeting in TAIWAN》緊急宣佈9月1日正式展開TPE48第一期生嘅徵選活動,當中AKB48 Team K嘅成員,阿部瑪利亞更加會移籍至TPE48!

佢哋計劃招募40人做第一期生,主要根據官方審查同粉絲投票嘅結果決定。徵選喺10月上旬正式開始,總共有四次審查,暫時去到第三次嘅審查階段。當中有6名香港少女參選,佢哋都順利入到第三次審查,呢6名少女分別喺冼迪琦、林裕君、陳盈臻、馮子敏、劉曉晴、陳嘉希。佢哋除左都喜歡唱歌跳舞之外,亦因為都好仰慕AKB48,希望加入其中成為海外姊妹團成員。


 

TPE48 香港參賽者

以下係6名香港少女嘅官方簡介,click入去睇吓,支持吓喇!

No.049 劉曉晴 官方簡介

No.062 冼迪琦 官方簡介

No.063 陳嘉希 官方簡介

No.102 陳盈臻 官方簡介

No.116 馮子敏 官方簡介

No.139 林裕君 官方簡介

※參選者以編號排序

如果想投票支持,應該點做好?

第三次審查中,有一半合格人數由主辦單位根據各參賽者嘅能力同態度評估,另一半就根據粉絲投票嘅票數而定。投票方法有兩個,第一個由TPE48官網投票,粉絲每日可獲48票。另一方法係由卡提諾網頁投票,每個帳號每天有7票,而且每日只可以投一票俾同一女孩,所以請大家善用您哋嘅票數喇。

TPE48官網投票教學

步驟1: 首先進入TPE48官網,點選「女孩投票區」。

 

步驟2: 喺「女孩投票區」裡面,選擇您支持嘅女孩。

 

步驟3: 點擊網站入面嘅「推」字一次就可以投到一票,而每日投俾同一嗰女孩嘅上限喺七票。

 

另外,佢哋仲會向官方投稿自己嘅相片同影片,進行每週嘅線上投票,而且會不定期喺Live.me進行直播,想知道更多佢地資料嘅朋友就要加緊留意,唔好錯過任何一個直播啊!

雖然官方暫時未釋出同將來有關嘅實際方針,但喺根據過往其他姊妹團嘅記錄,TPE48除左會有原創歌外,亦有可能會以中文翻唱部分AKB48嘅歌曲。

記者認為難得有香港人去參加,就緊喺要支持喇,好希望佢哋得到機會可以去到台灣同日本受訓,成為一名出色又能歌善舞嘅女孩。大家都嚟幫幫忙去投票支持,幫佢哋打入去做TPE48第一期生喇!

TPE48官方網頁: http://www.tpe48.tw/index.html

Facebook: https://www.facebook.com/TPE48Official/

卡提諾投票網頁: https://tpe48.ck101.com