300yen溝架妹:東京蒲友必去!

300yen溝架妹:東京蒲友必去!

如果以前要搭訕,好大膽既可以係街或者車站,或者落club,但今時今日已經唔興架喇,而家興「企飲吧」。點解?當你搵到target時,企喺度飲點都快過坐低飲掛!

小弟日本流浪七年,人生唯一興趣就係識女仔,識女仔要講咩呀?又不是八十年代,寂寞芳心的爱,即係講錢同樣囉,即係你的package如何,你的日子也必如何。如果你唔係富二代,隻眼又唔夠靚,唔好話請女仔飲,連自己飲果份都掹掹緊(先唔講自己個樣似佢啦)。

 300yen溝架妹:東京蒲友必去!
咁點呀?放棄呀?NO!今時今日,日本遠遠比香港有良心,因為「鋪租貴所以你餐飯貴」呢個定律唔會喺日本出現。

呢度係日本首都東京入面既一等地:銀座
 300yen溝架妹:東京蒲友必去!
用香港嚟做例子嘅話,中環。名牌鋪頭集中地,求其搵間餐廳都係高級餐廳,但係入面竟然有一間全酒類飲品300yen一杯既企飲酒吧,啱晒我呢啲窮L去!

 300yen溝架妹:東京蒲友必去!
入面飲一杯先圍港紙20蚊,去茶餐廳一塊檸檬掉入杯茶到都要啦!係平喎!但係咪住,平咁又點?平就多女架喇咩?小弟啱啱提過,銀座到消費娛樂既人大部份(除左小弟)非富則貴,好多肉食女生(嚟打獵既女人)會係度搵食,再何況呢度300yen一杯,消費就夠晒抵。我通常去到都話自己有間廠(請你飲你又飲得幾多)。

 300yen溝架妹:東京蒲友必去!
收費:
入場時300yen一張飛(最低消費男士三張,女士兩張)
每張飛可換一款食物或飲品
一次過買十張送一張 
平均預算1,500yen

店鋪資料:
營業時間 毎日17:00-02:00 年中無休
地址 (三間分店)因為都近,唔啱可以轉場
東京都千代田区有楽町1-2-14
東京都中央区銀座5-9-11
東京都中央区銀座8-3-12

 300yen溝架妹:東京蒲友必去!
感想
雖然係bar,但小食種類都唔少(熱狗,pizza,沙律,各種snack同甜品)
想靜靜地飲建議5點半左右去比較少人,7點開始爆場
小食就預要等半個鐘
店員態度麻麻,無乜禮貌
大部份男性靚西裝,尖頭皮鞋,名錶,頭set到好整齊
搭訕潮會係大約十點鐘左右,所以早少少去搵target企定係旁邊會好d
祝大家好運。