2016 秋季日劇資料情報

2016 秋季日劇資料情報

2016年夏季日劇大部分已經來到尾聲,隨著秋風漸起,10月開始秋季日劇就會開始接檔!大家準備好未呢?未知有咩可以睇就睇下以下情報先啦!
 

2016年秋季日劇 (2016年10月~12月)

 

【星期一】
《伊甸之東》

 2016 秋季日劇資料情報

主演:山田涼介(Hey!Say!JUMP)
每星期一晚 21:00
簡介:今季月9將會由Hey!Say!JUMP嘅山田涼介首次擔正主演。故事以聖經舊約故事為藍本,講述山田飾演嘅高田優因從小被哥哥搶去父親寵愛,而漸漸妒忌哥哥,成長後更愛上哥哥女朋友,發展成扭曲愛情故事。

 

《警視廳印尼炒飯課》

 2016 秋季日劇資料情報

主演:島崎遙香(AKB48)
開始放送日:10月17日
每星期一晚 深夜12:05
簡介:AKB嘅Paruru島崎遙香將會第一次主演日劇飾演刑警!佢飾演嘅女刑警25歲就俾人任命做調查課課長。同其他刑事日劇唔同嘅係今次所有案件都會喺一間房入面解決,係前所未聞嘅刑事日劇,因為係秋元康諗㗎!

 

【星期二】
《醫學團隊女醫生們的診斷》
 2016 秋季日劇資料情報
主演:吉田羊、相武紗季、吉岡里帆、伊藤蘭
開始放送日:10月11日
每星期二晚9時

簡介:《白色榮光》班底再度聯手製作醫療劇,以吉田羊為首講述一班大學醫院入面嘅女醫生團隊利用各自嘅專門知識解構疑難雜症。
 

《逃跑可恥但有用》
主演:新垣結衣、星野源

開始放送日:10月11日
每星期二晚10時
簡介:結衣BB終於又有日劇新作喇!今次仲飾演人妻下嫁星野源添!改編自原作漫畫、編劇係大熱日劇《重版出來!》嘅野木亞紀子,睇嚟故事應該幾有睇頭:講述因經濟原因決定實行契約結婚嘅兩人慢慢從金錢目的發展成更深厚信賴關係嘅戀愛故事。

 

《彼岸島 Love is over》(二期)
 2016 秋季日劇資料情報
主演:白石隼人、鈴木亮平
開始放送日:9月20日
每星期二晚 深夜25:28分
簡介:2013年嘅《彼岸島》嘅續篇,呢部驚慄日劇將會同劇場版(10月公開)有關連。

 

【星期三】
《相棒 Season15》

主演:水谷豊、反町隆史
開始放送日:未知
每星期三晚9點
簡介:相棒系列最新續作,今次嘅搭檔同樣係前作有出現過嘅反町隆史~

 

《非常厲害!校閱女孩・河野悅子》
 2016 秋季日劇資料情報
主演:石原聰美、菅田將暉
開始放送日:10月5日
每星期三晚10點
簡介:日本國寶級可愛女神石原聰美又有新作、夥拍人氣小生菅田將暉出演職場日劇。今次主題係時裝雜誌校對部,兩位喺戲入面嘅時裝亦都會成為焦點!

 

《廚師警部的晚餐會》
主演:柄本佑、小島琉璃子

開始放送日:未知
每星期三晚 深夜24:10

簡介:呢套劇主打美食X刑警,主角係廚藝精湛嘅刑警,查案時會為疑犯送上親自炮製嘅料理,並監察佢哋食飯嘅一舉一動去搵出真正犯人。
 

【星期四】
《Doctor X~外科醫 大門未知子~》(第四期)
主演:米倉涼子

開始放送日:未知
每星期四晚9點

簡介:唔駛我多講~大熱作品Doctor X嘅第四彈:今次嘅舞台將會係「東帝大學病院」。
 

《Chef~三星級的營養午餐》
 2016 秋季日劇資料情報
主演:天海祐希
開始放送日:未知
每星期四晚10點

簡介:女王天海佑希飾演嘅天才女主廚被米芝蓮三星餐廳解僱後決定去學校整嘢食俾學生!
 

《十個黑女人》(黒い十人の女)
 2016 秋季日劇資料情報
主演:船越英一郎、成海璃子、Triendl玲奈、水野美紀
開始放送日:9月29日
每星期四晚11點59分
簡介:自稱史上最大型不倫劇,由搞笑藝人笨蛋主義バカリズム將1961年日本電影重新改編成為現代故事,講述男主角一腳踏10船、最後更加決定與妻子聯手以自己嘅死為由希望一次過嚇走所有第三者。

 

【星期五】
《石川五右衛門》
 2016 秋季日劇資料情報
主演:市川海老藏
開始放送日:10月14日
每星期五晚8點

簡介:著名歌舞伎劇目《石川五右衛門》日劇化、講述戰國時期成為民間英雄嘅大盜石川五右衛門嘅故事。
 

《似是命運愛戀》
 2016 秋季日劇資料情報
主演:原田知世、齊藤工
開始放送日:9月23日
每星期五晚10點

簡介:此劇主題為大人純愛物語。曾經離過婚嘅奔四女主角同年輕設計師交流時將對方同自己年少時夢見嘅「命運之人」嘅身影重疊。
 

《砂之塔 無所不知的鄰居》
 2016 秋季日劇資料情報
主演:菅野美穗、岩田剛典、松嶋菜菜子
開始放送日:10月14日
每星期五晚10點

簡介:菅野美穗終於再演日劇!以公寓為舞台劇嘅懸疑日劇,因唔同住客各自嘅問題形成主角面對家庭遭受破壞嘅局面。
 

《家政夫三田園》
主演:松岡昌宏(TOKIO)

開始放送日:未知
每星期五晚11點15分

簡介:人氣樂團TOKIO成員松岡昌宏飾演家政先生,唔單止會做家務,仲會解決埋家庭入面嘅心結!
 

《勇者義彥與被引導的七人》

主演:山田孝之、木南晴夏、室剛、佐藤二郎
開始放送日:未知
每星期五晚24:12

簡介:超高人氣嘅低成本搞笑深夜劇《勇者義彥》系列第三輯!今次講述與上作相隔幾百年後勇者義彥為了打敗新敵人「天空魔王」而再次展開旅途。
 

【星期六】
《夏目漱石之妻》
 2016 秋季日劇資料情報
主演:長谷川博己、尾野真千子
開始放送日:9月24日(共四集)
每星期六晚9點

簡介:故事講述大作家夏目漱石鮮為人知、同妻子鏡子共處嘅夫婦生活。
 

《The Last Cop》
 2016 秋季日劇資料情報
主演:唐澤壽明、窪田正孝、佐佐木希
開始放送日:未知
每星期六晚9點

簡介:唐澤壽明同窪田正孝分別飾演30年後突然甦醒嘅昭和刑警同現代刑警菜鳥,睇佢哋以破天荒手段擊破事件。
 

《Sniffer嗅覺搜查官》
 2016 秋季日劇資料情報
主演:阿部寬
開始放送日:10月22日
每星期六晚10點

簡介:NHK改編烏克蘭大熱劇集,講述阿部寬飾演嘅嗅覺搜查官如何以超靈敏嗅覺協助解決奇案。
 

【星期日】
《IQ246~華麗事件簿~》

主演:織田裕二、中谷美紀、藤岡靛、土屋太鳳
開始放送日:未知
每星期日晚9點
簡介:你眼前所看到的未必是事實!織田裕二相隔9年再次演出TBS日劇,飾演主角法門寺沙羅驅,係智力研究犯罪學嘅家族後裔,亦係代代相傳IQ246嘅天才。藤岡靛飾演嘅管家就幫主人調查、推理、同於重要時刻保護主人。土屋太鳳則飾演非常率直嘅女刑警、而中谷美紀就係演對主角嘅推理能力著迷嘅古怪法醫。
 
《不讓罪惡沉睡特搜檢察官的逆襲》
 2016 秋季日劇資料情報
主演:玉木宏、高嶋政宏、瀧本美織
開始放送日:未知
每星期日晚9點

簡介:每一集都會解決一件案件,玉木宏飾演主角遠山金志郎。雖然身為警察署長,但性格飄忽,只要有在意嘅事情就會不顧身份自己跑上街解決。今次亦係瀧本美織第一次演出富士電視台連續劇女主角,飾演女刑警。
 

《出租救世主》
 2016 秋季日劇資料情報
主演:澤村一樹、志田未來、藤井流星、中村杏
開始放送日:10月9日
每星期日晚10點半

簡介:澤村一樹飾演大好人因遭詐騙而欠債,並因自己經歷成為出租救世主,幫其他欠債人士對抗惡勢力。

 
大家mark好要睇邊幾套了嗎~~~?
以上資料未包含SP。
此post將不定期更新!