1989年4月26日『龍珠Z』正式於富士電視台首播

1989年4月26日『龍珠Z』正式於富士電視台首播

1989年4月今日,『龍珠Z』正式於富士電視台首播。『龍珠Z』其實唔使多講,呢度熟過編輯嘅人相信冇一萬都有幾千啦,呢套由1989年一直播到1996年,呢套播咗6年又10個月、總共293集嘅長篇動畫,長時期佔據最長壽作品嘅位置,直至2007年先俾另一套作品『ONE PIECE』趕過。

話說『龍珠』去到中後期開始面對收視率下跌嘅問題。而由於當時『聖鬥士星矢』成績頗為不錯,而鳥嶋和彦(鳥山明嘅初代編輯)亦覺得『星矢』非常有趣,於是就決定搵嚟『星矢』系列監督森下孝三,以及劇本家小山高生重新制定悟空成長後嘅設定,最後就成就咗『龍珠Z』呢個作品。

 1989年4月26日『龍珠Z』正式於富士電視台首播

 1989年4月26日『龍珠Z』正式於富士電視台首播

製作時製作組仲遇到一個好大嘅困難,就係由於『龍珠』原著推出後不久就動畫化,所以經常出現動畫進度追上原著嘅問題,而『Z』大約去到拿美星篇左右已經完全追上原著,於是為咗應急,製作組只好不停加長上回提要同打鬥嘅篇幅,及後更加要追加回想內容應付,最誇張嘅應該算係拿美星爆炸前5分鐘就足足做咗6集。

 1989年4月26日『龍珠Z』正式於富士電視台首播
去到第95集終於見到悟空變超級撒亞人
 1989年4月26日『龍珠Z』正式於富士電視台首播
傳說有不少新一代觀眾係睇完『銀魂』先知有套作品叫『龍珠Z』

而其實如果要講收視嘅話,其實『Z』係比『元祖』差嘅,不過各種嘅周邊如遊戲、卡牌、玩具、食玩等都有飛躍性嘅增長,而2000年代後再推出DVD等,更加令新一代觀眾認識此系列,亦令佢繼續出、繼續出,終於變成今日嘅『龍珠超』。

打完斯路之後進入下一世代嘅故事,連OP都轉埋。

龍珠ZドラゴンボールZ

話數:第1話~第291話
播放時間:1989年4月26日—1996年1月31日 (日本)、1991年10月6日—1997年6月21日 (香港)、1997年8月3日-2002年8月11日 (台灣)
播放電視台:富士電視台、翡翠台、衛視中文台/ANIMAX