今集胃食香川帶大家去到食有香川三大名物之稱嘅B級美食「たこ判」大判章魚燒， 「たこ判」嘅起源有傳聞話當初係因為有個小朋友問老闆可唔可以用大判燒嘅模具試下整章魚燒而發起， 而依間「たこ判小前」就係大判章魚燒嘅第一發源地，係香川無人不知嘅小店，已經有30幾年歷史啦！
本來有個好出名店婆婆，但而家已經退左休，交咗俾後代打理～
依到嘅大判章魚燒每一個都係由外皮開始人手即叫即燒，每個都新鮮熱辣，而且咁大個都只係125Yen非常平價 ，不過要注要返因為係人手即燒嘅關係需時可能需要大約等10-15分鐘先有得食。
燒完嘅大判章魚燒會拎去落醬，首先上下成個塗滿章魚燒嘅醬汁，再落紫菜碎，木魚碎，蛋黃醬等等就大成告成！
除咗有最出名嘅原味之外，仲有其他人氣MENU例如 人氣Number 1嘅蛋，帆立貝，芝士等等都有（價錢不同）。
、
另外仲有
¥125
大判章魚燒
¥130
大判章魚燒 (吞拿魚)
大判章魚燒 (漢堡扒)
¥150
大判章魚燒 (蛋)
大判章魚燒 (章魚+年糕)
大判章魚燒 (章魚+粟米)
大判章魚燒 (章魚+薯仔)
¥170
大判章魚燒 (腸仔)
大判章魚燒 (鵪鶉蛋+年糕)
大判章魚燒 (帆立貝)
大判章魚燒 (蝦)
外皮口感彈牙而且每件都用料十足好紥實，椰菜再加埋食章魚燒必落嘅蛋黃醬，燒汁，紫菜等等，燒汁嘅風味同味道夠濃，而且比起一般章魚燒夠哂滿足感，非常好食！
不過因為真係幾大個，所以建議叫唔同口味同朋友一齊Share食，不過就算食唔哂都可以拎走！
而日本網民對小前嘅評價都讚不絕口㗎！
「要說比起烏冬更有名的食物，就一定是小前的大判章魚燒 ，香川內雖然有其他類似的店，但對於我來說只認定這一家(笑)！大小，價錢，口味，店內的風格等等都非常好，想吃的話就一定要去這一家！」
「雖然不知道是不是元祖，但這一家的大判章魚燒在香川非常有名，是香川出產中最有力的B級候補美食。」
「不用多說也知道的名店，在假期中午前去必要排1小時的人氣店，在我心目中的香川B級美食，莫過於這一家人氣的小前大判章魚燒。」
「在香川有一個叫大判章魚燒的美食，用大判燒的模具加上椰菜，章魚，蛋等等燒成章魚燒風配醬汁和蛋黃醬。
最初來香川的時候吃了小前的大判章魚燒感到非常新鮮。」
而當然除咗大判章魚燒之外，亦都有普通嘅章魚燒同日式燒麵可以揀㗎！
たこ判小前
營業時間：早上9時～晚上19時（星期一休息）
地址： 香川県三豊市仁尾町仁尾辛３３−９
由JR予讚線嘅「詫間站」搭「三豊市巴士仁尾線」 到 「仁尾庁舎」 落車行2分鐘就到～
除左留意Like Japan，仲可以參考 香川縣香港Facebook，就可以得到更多香川縣嘅資訊啦！
About Post Author
