今日（6月22日）係型格大叔男演員阿部寬53歲生日。畢業於日本中央大學工程學部，一副混血兒樣貌但其實係純日本人嘅阿部寬大學一年級時參加咗雜誌選拔獲得優勝，開始模特兒及藝能生活。
近年一直蟬聯最受歡迎男演員榜首嘅佢唔單止喺日本高人氣，積極發展海外拍攝機會嘅佢亦亦曾拍過台灣電視劇及香港電影。一齊回顧下佢拍過嘅經典角色啦！
2000年7月期《圈套》飾演 上田次郎
系列共有三部電視劇、兩集特別篇及四部電影。講述仲間由紀惠飾演嘅女魔術師同阿部寬飾演嘅物理學教授一齊揭開江湖騙術嘅故事。係一套造成高收視嘅深夜劇，亦被視為令阿部寬開始大熱嘅作品。
同年拍攝香港電影《東京攻略》飾演 伊藤組長
2005年7月《龍櫻》飾演 櫻木建二
改編自著名漫畫，講述暴走律師幫助一班被認為無得救嘅高中生順利考入東京大學嘅熱血感人故事。劇中阿部寬有不少金句，直至今時今日仍然發人深省。
2006年7月《不能結婚的男人》飾演 桑野信介
由阿部寬同夏川結衣主演，講述主張獨身主義嘅男主角如何走向結婚之路。
2007年《律政英雄》飾演芝山貢
雖然阿部寬只係演出配角，不過仍然令人印象深刻。
2010年4月期《新參者》 飾演 加賀恭一郎
系列共有三部電視劇、兩集特別篇及四部電影。講述仲間由紀惠飾演嘅女魔術師同阿部寬飾演嘅物理學教授一齊揭開江湖騙術嘅故事。係一套造成高收視嘅深夜劇，亦被視為令阿部寬開始大熱嘅作品。
2012年 拍攝電影《羅馬浴場》飾演 路西斯
改編自人氣漫畫，由阿部寬飾演羅馬人男主角路西斯，毫無違和感之餘將喜劇細胞完全發揮。
2015年10月《下町火箭》飾演 佃航平
改編自《半澤直樹》作家池井戶潤創作嘅經濟題材小說，描寫日本中小企業同大型企業之間嘅戰鬥。阿部寬亦憑此角色獲得第87回最佳男主角獎項。
阿部寬演過多套影視作品，未能盡錄，唔知大家又最欣賞阿部寬邊個角色呢？
About Post Author
