【遊日小幫手】你可能不知道的VISA白金秘書服務

【遊日小幫手】你可能不知道的VISA白金秘書服務

今日我要同大家介紹」VISA白金秘書服務」,全靠佢,我係對上一個旅程先可以唔駛等位食到不同熱門嘅美食,咁究竟VISA白金秘書係咩黎?
【遊日小幫手】你可能不知道的VISA白金秘書服務
故名思義,就係VISA白金卡提供嘅一項服務, 係Visa 白金卡持卡人限定,滿足其旅遊及娛樂嘅需求。 只需要上網填寫表格或者打電話,就可要求旅遊計劃協助、航班訂位、飯店訂位、餐廳訂位、租車服務及演出門票預訂等服務!甚至乎查詢想要嘅貨品仲有冇存貨都得!最重要一點係費用全免,而所代訂嘅餐廳服務係唔需要一定用VISA卡結帳~
 
VISA白金秘書網址:https://www.visa-asia.com/premium/platinum/hk/concierge/index.shtml
 
而擁有一張VISA白金信用卡其實唔難,我都係無意中發現原來我都有一張,我有嘅係渣打之前推出嘅MANHATTEN ID白金信用卡,年薪要求只需要HK$150,000,相信其他銀行的VISA白金卡申請門檻也一樣不高。
【遊日小幫手】你可能不知道的VISA白金秘書服務
 
我曾經試過3次找白金秘書幫忙,3次都係透過網上填寫表格
表格網址:https://www.visa-asia.com/premium/Profile/login.jsp?ws=tw&sitecat=platinum
 
 
▼VISA白金卡持卡人請先註冊
【遊日小幫手】你可能不知道的VISA白金秘書服務
 
▼註冊頁面
【遊日小幫手】你可能不知道的VISA白金秘書服務
 
▼註冊好就可以登入來到此頁面
【遊日小幫手】你可能不知道的VISA白金秘書服務
 
▼可以看到上方有多個選項,VISA白金秘書可幫你旅遊計劃協助、航班訂位、飯店訂位、餐廳訂位、租車服務及演出門票預訂等服務等等
【遊日小幫手】你可能不知道的VISA白金秘書服務
 
▼例如按入餐廳訂座,就會有指示叫你輸入你想預約的餐廳名稱及日期人數等。
【遊日小幫手】你可能不知道的VISA白金秘書服務
 
▼不過以我嘅經驗,我認為所有要求都可以在」其他要求」提出,無論餐廳預約或酒店預約等,至於點解,睇埋落去你就明。
【遊日小幫手】你可能不知道的VISA白金秘書服務
 
找VISA白金秘書幫忙(一):預約大阪蟹道樂及札幌蟹將軍
 
由於大阪蟹道樂同札幌蟹將軍都係一間好熱門嘅商店,唔預約嘅話係好大機會食唔到,一係就要等好耐,所以我就透過白金秘書幫我先行預約!
其實大阪蟹道樂個官網都可以預約的:http://douraku.co.jp/reserve-list/
但係因為我太遲發現,我想食嘅心齋橋分店午餐時段1星期內嘅BOOKING已經FULL左,所以上官網都預約唔到。
咁我就1月22日網上填表SEND過去希望VISA白金秘書幫到我。
 
▼之後係1月24日就得到以下嘅回覆:
【遊日小幫手】你可能不知道的VISA白金秘書服務
佢地叫我補返大量資訊比佢地先,所以就係呢個原因我會叫大家直接去」其他要求」一早填寫晒所有資訊比佢。
大家如果都係想BOOK餐廳可以COPY我呢個SAMPLE:
 
預約餐廳:かに道楽 本店(http://douraku.co.jp/kansai/honten/)
預約電話:06-4963-2245
預約日子時間人數: 1月30日 1:30午餐時間 2位成人
(如果1:30沒有的話,請詢問同一天下午2:00,2:30,3:00,3:30及4:00那一個時間有位置)《-填埋其他後補選擇
預約名字:XXX 《-用返信用卡主名
預約電話:+81664471122 《-酒店電話
其他資訊:唔識日文,香港人
 
旅行資訊:
酒店:麗嘉中之島酒店
Hotels.com 確認號碼:125526XXXXX  
預約名字:XXX
入住日期:1月29日-2月1日(3晚)
電話:+81664471122
 
▼立刻回覆他之後,1月25號就得到此回覆:
【遊日小幫手】你可能不知道的VISA白金秘書服務
 
▼然後1月26日就幫我完成了2間餐廳的預約,而由於我一開始想預約的大阪蟹道樂本店所有時段都FULL左,職員立刻替我預約同一條街的另一分店,是一個令客人感到貼心的表現!

【遊日小幫手】你可能不知道的VISA白金秘書服務
【遊日小幫手】你可能不知道的VISA白金秘書服務
 
▼最後因為他們,令我可以順利食到2間美味嘅蟹店!
【遊日小幫手】你可能不知道的VISA白金秘書服務
 
【遊日小幫手】你可能不知道的VISA白金秘書服務
 
【遊日小幫手】你可能不知道的VISA白金秘書服務
 
找VISA白金秘書幫忙(二):白川鄉民宿預約
 

有留意我BLOG嘅朋友都知我岩岩去完睇白川鄉點燈,其實呢個旅程係大半年前已經開始計劃,由於白川鄉差唔多全部民宿都只係接受電話預約,所以係上年2015年6月20日我SEND左20間白川鄉民宿嘅電話比VISA白金秘書佢地,希望佢地幫我打電話問下邊間仲有位。
 
▼然後隔左一日就收到EMAIL回覆,但EMAIL只輕輕說明:大部分都未開放BOOKING(most of them have not open for reservation yet), 而有一間就fully booked,咁我個時對於佢地嘅回覆係有少少失望,心諗下係咪真係有幫我問晒架?
【遊日小幫手】你可能不知道的VISA白金秘書服務
 
▼不過再隔多2日我收到以下EMAIL,令我覺得好感動T^T,大家可以望望:
【遊日小幫手】你可能不知道的VISA白金秘書服務
【遊日小幫手】你可能不知道的VISA白金秘書服務
【遊日小幫手】你可能不知道的VISA白金秘書服務
【遊日小幫手】你可能不知道的VISA白金秘書服務
【遊日小幫手】你可能不知道的VISA白金秘書服務
 
▲真係要比返個CREDIT白金秘書嘅職員 Cepheus Wang,佢真係幫我問晒20間民宿T^T,但由於我最後決定唔住民宿,所以我係冇再回覆佢,我對此感到後悔,其實我應該即刻多謝佢!
 
▼以為冇回覆佢就告一段落啦,點知佢一星期後再SEND多封MAIL比我,原來係提醒我有一間民宿現正開放BOOKING,感覺到佢真係好有心咁幫我?
【遊日小幫手】你可能不知道的VISA白金秘書服務
 
▼因為我個時真係冇打算再BK民宿,所以都係冇覆佢…點知過多一星期,又SEND多一封MAIL黎,問我睇左之前個封MAIL未,如果冇BOOK到佢講個間民宿,會同我繼續留意其他同再UPDATE我。
點解VISA白金職員Cepheus你可以咁好人?我只係全港幾十萬擁有白金卡嘅其中一人(網上資訊:月入一萬就可以申請),竟然可以得到咁貼心嘅服務,有係有啲受寵若驚!
【遊日小幫手】你可能不知道的VISA白金秘書服務
 
 

找VISA白金秘書幫忙(三):旅遊計劃協助
 
▼我見佢有一個選擇係可以介紹景點名勝,我對呢個有啲好奇,究竟佢地會唔會推介啲特別景點比我呢,咁我就試下填寫日本嘅靜岡同函館,希望佢地會推介一啲我唔知嘅景點比我啦。
【遊日小幫手】你可能不知道的VISA白金秘書服務
 
▼結果係失望嘅,只係SEND個PDF檔過黎,入面嘅資訊純粹COPY旅遊局嘅資料咁,仲要少圖全英文,不過只怪我太大期望,VISA白金秘書主要都係針對服務並唔係資訊,所以唔怪佢啦XD
【遊日小幫手】你可能不知道的VISA白金秘書服務
【遊日小幫手】你可能不知道的VISA白金秘書服務
 
 
總括黎講,VISA白金秘書真係好幫得手,只要有旅行上嘅需求,都可以搵佢地,絕對可以令你嘅行程更加順利,唔駛打長途電話BK位,亦防止語言不通嘅問題。而且只需要上網填表真係非常方便!其實除左上網填表之外,亦都可以直接打電話詢問,或者叫佢直接電話回覆,相信咁樣仲會加快回覆速度~佢地係每週七天,每天二十四小時全天候服務架。
 
撥電號碼如下: 
800 901 869 (英語)
800 901 870 (普通話)
800 901 872 (日語)
800 901 873 (韓語)
800 900 781 (廣東話)
800 901 874 (馬來語)
800 901 875 (泰語)
800 901 869 (其他語言)
 
咁好嘅服務,真係要好好善用,未有VISA白金卡嘅你快啲申請返一張啦!
 
另外,MASTER CARD/AE/JCB白金卡都有提供類似服務,但就冇得網上填表,只限打電話:
MASTER:http://www.mastercard.com/hkc/consumer/premium-card-concierge-services.html#a01
AE:http://www.amexcards.com.tw/rcp_plat/index.html
JCB:http://www.jcb.tw/ws/plaza/lounge_list.html#a-hongkong