尋日喺Twitter，有日本網民吹雞問有冇人想同佢一齊去呢個聲稱「入場5分鐘足以令你精神崩潰」嘅まぼろし博覧会（夢幻博覽會），佢仲話死之前點都想去睇一次添！到底呢個地方有咩咁巴閉？
誰か静岡県にある「まぼろし博覧会」行きませんか、、入場して5分で精神崩壊するらしい。こんなにカオスで狂気溢れてる博覧会日本でここだけだと思う、、死ぬまでに絶対行きたい pic.twitter.com/GROhSyWDoC
— ? (@uran1600) 2017年4月16日
まぼろし博覧会嘅官方網站就聲稱自己係一個以嘔心可愛（キモ可愛い、即係核突嘔心得嚟又有kawaii嘅地方，係咪好難明呢？簡單啲嚟講即係重口味）為主題嘅天堂樂園。而人氣綜藝節目《交給嵐》同《有吉學堂》都有去採訪過，所以有睇開日本綜藝嘅可能對呢個地方唔陌生！
小編雖然仲未去過，不過為咗介紹呢個地方時搵咗以下堆圖，真心覺得堅重口味。真係千奇唔好帶小朋友去，應該會嚇到佢哋有童年陰影。如果你ready嘅話，我哋即刻，去圖。
首先門口會見到呢個牌。
然後呢度就係入口。
冇錯，只係行入咗個入口，你已經進入呢個奇怪樂園嘅境界。於是你會見到一堆嘢迎接你…
…做咩姐你哋Orz
首先會有個類似溫室嘅地方…
成個館內都放咗好多奇形怪狀嘅人形公仔…
到底想表達啲乜？
媽我究竟睇緊啲乜？
咁其實可能大家都係有興趣想親身去體驗一次，受下精神污染。咁我可以話你聽我都只係放咗一部份相，所以去到你一定會見到更多更勁爆嘅嘢㗎放心！XD 小編仲見到有日本人話好彩呢度近溫泉鄉，因為正常人睇完之後一定會好攰好攰，去浸溫泉係啱晒！睇完以上圖片，唔知大家又想唔想去呢？
まぼろし博覧会
電話: 0557-51-1127
地址：まぼろし博覧会 〒413-0231 伊東市富戸梅木平1310-1
入場費：大人1200円、 小中学生600円
交通：由伊豆急行伊豆高原站搭乘巴士於梅木平落車
一般營業時間: AM 9:15 〜 PM 5:00
8月營業時間AM 9:00 〜 PM 5:30 年中無休
About Post Author
