近年日本吹起VR風，除咗好似PS4出咗唔同嘅VR Game之外，
最近東京渋谷都開咗一間叫「VR PARK TOKYO」嘅VR樂園，
可以俾你體驗唔同類型嘅VR遊戲、一齊嚟睇下有咩玩啦！
依間VR樂園係上年12月開幕，位置渋谷中心一間大型機舖嘅4樓～
佢哋係用80分鐘時間制，80分鐘內可以任玩佢哋VR遊戲，
事前預約係2900Yen，當日買飛就係3300Yen，全部都有包任飲㗎～
「VR PARK TOKYO」一共有7個唔同嘅VR，最少1個人最多4個人，
每一個都有唔同特色可以任你揀～
例如有坐上飛氈2人協力對抗魔王嘅「Salmon’s Carpet VR」(1-2人)
可以進入幻想世界用劍同盾打倒妖魔嘅
「Circle of Saviours Beginners」(1人）
而依個VR仲可以選擇你想要武器，
想更加融入遊戲入面，就可以揀佢哋提供嘅衫Cosplay去玩㗎～
仲有2人合力一齊玩嘅「Ghost Attackers VR」(1-2人)，
同埋棒球遊戲 「對戰！HACHAMECHA STUDIUM VR 」(1-2人)
想玩刺激啲？
有好似電影嘅緊張情節一樣，
體驗逃離高樓嘅射擊遊戲「DIVE HARD VR」(1人)～
4月新上映，比之前嘅作品更加恐怖嘅
「OBAKEREA VR Creeping Terror」～（1-4人）
佢係融合咗4D電影元素同埋VR去製作，
增加真實度，真係唔大膽啲都俾佢嚇親～
仲有3月新開幕，世界第一個可以喺室內體驗笨豬跳嘅VR
「JUNGLE BUNGEE VR」(1人)～
佢係完全凌空可以俾你感受由高空墮下嘅感覺，畏高嘅人要注意！！！
佢哋係開10點到23點25分，分時段入場，
好似如果你喺10點至10點20分依段時間買飛就10點20分入場，
11點40分完～但因為每次都有限制一定人數，
所以最好預時間去睇下有冇位會好啲～
有識日文嘅朋友亦都可以去以下網站預約定㗎～
雖然官網就只有日文版，
但「VR PARK TOKYO」有識講英文嘅職員，
所以唔洗擔心完全溝通唔到㗎～
而13歲以下嘅小朋友，雖然可以入場，但係就唔玩得佢哋嘅VR遊戲，
記得要留意啦～
地址：
東京都渋谷区宇田川町13-11 KN渋谷1ビル4F
日本消費儲里數推介：AEON Card JAL！
去日本食玩買，用信用卡消費記得儲埋里數，AEON Card JAL日本海外簽賬$6會賺到1日航里數！
返到香港，本地食肆都係$6蚊1里！20000里就換到日本來回機票！
迎新offer簽滿指定金額額外送5000里，圍返即係低至HK$1.72 = 1里！
詳情可睇：https://www.likejapan.com/aeon12
About Post Author
