【識剪一定喺日本剪】寶欣帶你去日本剪頭髮（上）

每次睇日本雜誌都覺得model個髮型好靚，加上唔少香港唔少髮型屋都會標榜使用日本品牌嘅洗髮、護髮產品，如果幫你剪頭髮嘅髮型師係去過日本受訓嘅話，仲特別感覺良好添！所以今次我決定衝出香港！去日本剪個Model頭返嚟！

 

我初初以為喺東京剪髮一定會好貴，點知上網一睇，原來有平亦有貴，由$100~$1000港幣以上都有，而我今次就揀咗一間名氣高，但價錢屬於中等嘅髮型屋！係日本剪頭髮全部都要預約咗先，唔能夠話剪就剪㗎，所以我前一日已經上網預約咗，但由於資料太多，我會喺下一篇blog詳細少少講（唔洗日文都冇問題呢！因為好多都有英文翻譯，或者帶張相去都得㗎）

 

我今次揀嘅呢間Salon位於涉谷嘅心臟地帶

 

Euphoria Salon有位髮型師最近榮登咗預約網站嘅人氣No.1寶座啊！

 

Salon俾人感覺好乾淨舒服

 

 

 

職員會俾個細袋仔，可以隨身帶住貴重物品，而大褸同手袋職員會幫你保管好

 

未剪之前係咁嘅樣（靜靜雞話俾你聽…呢個頭其實係我自己剪㗎前面同後面都係）

 

髮型師宮川好江就係設計咗呢個髮型，然後榮升咗預約網站嘅第一位喇！所以我今次拎住呢張相嚟嘅！哈哈

 

有好多唔同優惠組合，洗剪吹、染髮、電髮、護髮，通通都有！去到髮型屋可以溝通咗之後慢慢揀

 

首先染髮先，女仔呢邊係髮型師宮川好江，而男仔呢邊係翻譯＆髮型師繕誠宮本，佢哋都好溫柔、好細心同好Nice呢！

 

洗頭椅係電動㗎，好似牙醫啲椅咁！哈哈

 

剪掉煩惱絲….但….點解我仲有咁多煩惱嘅？

 

髮型師好細心地一邊Set頭一邊教我點樣自己Set呢！

 

完成喇！哈哈…雖然髮型師係同一個人，但由於天生不是Model，想像有少少出入呢！

 

我是成龍！哈哈…唔好笑我喇！頭髮會長㗎嘛！所以冇所謂喇

 

哈哈…髮型師不斷話我Kawaii呢（得喇…我知係門面說話….）

 

埋單10950円（約766港幣），其中1000円係指定髮型師髮用

 

另外鍾意私人空間嘅朋友，可以揀私人房間，但當然價錢都會提升喇

 

順帶一提，剪頭髮有飲品提供㗎

 

髮型屋：Euphoria 【ユーフォリア】SHIBUYA GRANDE

地址：東京都渋谷区宇田川町22-2 西村フルーツパーラー4F

電話：03-3496-5377

髮型師：宮川好江