有乜好過去camping(二):富士本栖湖獨木舟體驗

有乜好過去camping(二):富士本栖湖獨木舟體驗

 

如果大家之前有follow開都知道我同Ryan同Xindy去咗富士山下一個叫朝霧嘅地方camping。Xindy就好開心玩咗滑翔傘,而我(就因為猜輸咗所以)獲得同Ryan哥兩個人一齊划艇嘅機會嘅!
有乜好過去camping(二):富士本栖湖獨木舟體驗

富士山下有好出名、風光明媚嘅富士五湖,今日我哋就嚟到五湖入面最水深嘅本栖湖體驗獨木舟啦!喺camp site開過嚟半個鐘到,啲天氣可以係完全唔一樣㗎!

 

首先要喺呢個洪庵キャンプ場嘅地方登記咗先,跟住要簽張「生死狀」,但其實都係講你跌落水如果造成咩財物損失就唔關佢哋事嘅(正常)。不過我當下都有啲擔心,跟住負責教我哋划艇嘅哥哥就話唔緊要,其實兩個人一齊划艇嘅話跌落水嘅機會就唔算大嘅。不過一個人划嘅話,初學者就好有可能會失平衡反艇跌落水,然後係一定會濕晒架!有乜好過去camping(二):富士本栖湖獨木舟體驗

 

簽完之後就會得到地圖一張,就好似片入面咁,要行一段小路落到湖邊嘅。係湖邊會獲得救生衣一件,跟住哥哥會係岸邊教大家四式嘅划艇技巧,方便大家一落水就識點樣划~分別有前後前進方式、轉彎同埋煞掣嘅。大家千祈要確定自己識咗先落水呀!因為…一落水哥哥就會同你玩遊戲架啦!例如近岸邊水上有個波波,佢一開始會同你鬥快掂個波波,你掂到佢先會開始帶你去遠啲嘅地方。

有乜好過去camping(二):富士本栖湖獨木舟體驗

雖然驚反艇跌落水,但我都係選擇咗帶相機落水,跟住哥哥好主動話不如俾佢幫我哋影相。自己影又真係除咗自拍乜都影唔到,所以我都推介大家唔怕就不如俾部相機哥哥,因為佢係會好尊業咁幫你影好多好靚好靚嘅相架!佢仲會爬上啲石到幫我哋影晒成個景,真係辛苦晒!有乜好過去camping(二):富士本栖湖獨木舟體驗

有乜好過去camping(二):富士本栖湖獨木舟體驗

頭一個鐘佢會帶我哋去個湖唔同嘅地方睇唔同嘅景色,有啲地方啲水清澈到根本見到湖底,同埋湖上雖然少少曬但就好涼爽~完全係非常寫意超舒服!本身我同Ryan仲擔心獨木舟會唔會勁悶,但我哋係完全被落到湖中心嘅景色震撼咗架!

 

玩咗一個半鐘隻手開始攰,教練哥哥就問我哋試唔試下玩單人嘅,既然都嚟咗呢度,梗係試埋佢啦!不過落水後先發現,死嘞原來架艇輕咗真係飄好多有乜好過去camping(二):富士本栖湖獨木舟體驗 我有幾下感受到個浪真係嚇親!不過只要keep住個頭定住就容易啲平衡。

 

最開心嘅係,我哋居然玩玩下見到富士山嘅山頂!!!!!!!!有乜好過去camping(二):富士本栖湖獨木舟體驗有乜好過去camping(二):富士本栖湖獨木舟體驗有乜好過去camping(二):富士本栖湖獨木舟體驗
有乜好過去camping(二):富士本栖湖獨木舟體驗
其實我哋嚟咗三日係富士山嘅山腳到都因為天氣問題無見過富士山。當地人話我地聽因為氣候問題原來春夏天係比較難啲見到,要冬天嚟先會更加清楚見到富士山喎!我哋都真係咁啱見到舊雲飄過所以先見到富士山個頂大概2-3分鐘,之後佢又唔見咗喇…

有乜好過去camping(二):富士本栖湖獨木舟體驗

我只能講,千祈千祈千祈要搽防曬呀!喺朝霧因為陰天落雨我無搽防曬,點知呢邊氣候完全唔同,陽光普照,兩個鐘內我即刻兩截色咗!今次嘅獨木舟體驗係一人2小時5800yen。雖然真係唔平,但落到水之後個種震撼嘅感覺同景色係我覺得值門票價嘅(真心)!除咗獨木舟呢度仲有其他水上活動嘅體驗,如果有機會嚟第二次,我會想玩paddle board呢!

 

預約方法:
有乜好過去camping(二):富士本栖湖獨木舟體驗
我地預約個陣係成人一人連税5800yen,依家就係5500yen。小學生以下嘅小童就一人1000yen。帶埋隻狗的話就加500yen!
 
地址:山梨県南巨摩郡身延町中ノ倉2926 浩庵(こうあん)
 
關於旅遊保險:
去旅行如果有機會玩啲刺激活動,揀中國平安旅遊保險就啱晒,份保險會保障返消閒同非專業性質既運動,同其他旅遊保險相比,就算係玩滑翔傘、滑雪、潛水、笨豬跳等等,佢都唔會有高度或深度限制(某啲旅遊保險跳傘或潛水過咗一定高度或深度就唔受保)!詳情可以去呢個網址睇下:https://www.pingan.com.hk/travel/insurance 

 
LikeJapan醒你「半價旅遊保險優惠」:
想去旅行又未買旅遊保險,記得用埋呢個折扣優惠! 只要喺中國平安保險網上投保,喺「優惠編號」輸入「likejapan」,就可以即時有半價優惠!優惠期去到2016年9月30日咋,記得快啲用埋再出發!

有乜好過去camping(二):富士本栖湖獨木舟體驗
*如有任何爭議,中國平安保險(香港)有限公司保留最終之決議權。