日本2017上半年度廣告天王天后結果發表 19歲廣瀨鈴封后!

日本2017上半年度廣告天王天后結果發表 19歲廣瀨鈴封后!

尋日日本就發表左2017年上半年度代言最多廣告嘅排行榜。男性方面排首位嘅有兩位,分別係同樣係2016年第一位嘅相葉雅紀,同埋日本著名網球選手錦織圭,同時代言達10間公司。女性方面就由19歲既美少女演員廣瀨鈴以代言14間嘅成績獲得第一位。

日本2017上半年度廣告天王天后結果發表 19歲廣瀨鈴封后!

相葉雅紀已經係連續兩年稱霸,而2017年(連續第三年)上半年繼續獲得第一位。除了以嵐成員身分出演JAL、麒麟啤酒、日立等廣告,仲有以個人身分出演既卡樂B、Benz等等廣告,形象健康爽朗、受廣泛年齡層家庭觀眾歡迎相信都係Aiba受廣告商青睞嘅主要原因。

錦織圭選手亦為久光製藥、森永製菓、UNIQLO、NTT docomo等大型日本企業拍攝廣告及代言,連續兩年都係處於頭三名嘅狀態。另外男性方面排第二嘅就係嵐嘅松本潤同埋長青男演員遠藤憲一。

首次奪廣告天后第一位嘅廣瀨鈴由舊年嘅第二位躍升至今年上半年度第一位,出演大塚製薬、資生堂、SUZUKI、SoftBank、明星食品等專打年輕人市場嘅商品及廣告。

日本2017上半年度廣告天王天后結果發表 19歲廣瀨鈴封后!

排第二位嘅有一班出演達10間公司廣告嘅女演員,包括綾瀨遙、有村架純、上戶彩、ROLA、高畑充希,以及舊年全年度排第一嘅吉田羊。

日本2017上半年度廣告天王排行榜

1)相葉雅紀(嵐)、錦織圭-10間

2)遠藤憲一、松本潤(嵐)-9間

3)櫻井翔(嵐)、DAIGO(BREAKERZ)、二宮和也(嵐)-8間

4)ICHIRO(美國職棒選手)、齋藤工、菅田將暉、長瀨智也(TOKIO)、西島秀俊、松坂桃李、松重豊、山崎賢人-7間

日本2017上半年度廣告天后排行榜

1)廣瀨鈴-14間

2)綾瀨遙、有村架純、上戶彩、高畑充希、ROLA、吉田羊-10間

3)宮崎葵-9間

4)新垣結衣、石原聰美、川口春奈、桐谷美玲、武井咲、菜菜緒、波瑠、吉岡里帆-8間

5)北川景子、佐佐木希、長澤雅美、深田恭子、本田翼、山本美月、松子DELUXE-7間

資料來源:Oricon