【日本郵輪假期vol.4】體驗郵輪意國風情!

【日本郵輪假期vol.4】體驗郵輪意國風情!

 
上集講到去完舞鶴尋找天橋立,今次又再講返郵輪有咩玩先!

 
溫馨提示:上船之前要做好節食準備,因為上得條船,預咗會肥10磅!皆因船上總共有4間免費餐廳,分別係5樓嘅Fantasia Restaurant同埋Sinfonia Restaurant﹑11樓嘅Bolero Buffet Restaurant同埋12樓嘅La Tavernetta Pizzeria喺唔同時間開放,確保我哋24小時都有野食,再也不知何謂餓。
 
【日本郵輪假期vol.4】體驗郵輪意國風情!
 
早餐通常會喺11樓嘅Bolero Buffet Restaurant食,任你食到飽。
 
【日本郵輪假期vol.4】體驗郵輪意國風情!
 
老老豆豆,質素相當唔錯,搞到我成日一開波就食勁飽。
 
【日本郵輪假期vol.4】體驗郵輪意國風情!
 
晚餐就係「Fantasia」食,毎位乘客都會被分配到指定嘅位同時間用餐,咁就唔怕去到會無位坐。Menu每日都唔同,每款前菜、湯、salad、主菜﹑甜品都有幾款選擇比你揀,好適合同人share,重點係唔夠食的話仲可以嗌多幾份,唔會額外收費!
 
【日本郵輪假期vol.4】體驗郵輪意國風情!
 
龍蝦意粉OH~
 
【日本郵輪假期vol.4】體驗郵輪意國風情!
 
就咁睇賣相,真係以為去咗意大利高級餐廳,而且味道亦無得輸。
 
【日本郵輪假期vol.4】體驗郵輪意國風情!
 
而且好興食食吓飯會突然有廚師同員工走出嚟跳舞,將全場氣氛推至頂點!
 
【日本郵輪假期vol.4】體驗郵輪意國風情!
 
另外一定要去La Tavernetta Pizzeria試由意大利廚師即做嘅焗pizza,水準之高令人驚訝。
 
【日本郵輪假期vol.4】體驗郵輪意國風情!
 
有幸由Executive Chef親自帶領我地參觀船上廚房,睇吓架船究竟係點為船上二千幾人24小時全天侯供應5餐。入到廚房,第一感覺係超級乾淨整齊,咁大一個廚房衛生竟然仲整潔過我屋企嘅廚房…最特別嘅係船上禁止使用火或gas、所以煮食一律用蒸氣同電力。
 
【日本郵輪假期vol.4】體驗郵輪意國風情!
 
每個廚師都有系統地負責唔同工作,呢位廚師就負責準備餐湯。
 
【日本郵輪假期vol.4】體驗郵輪意國風情!
 
所有食物預備好後都會即刻用保鮮紙包好或用蓋冚好,以保持食物新鮮同衛生。
 
【日本郵輪假期vol.4】體驗郵輪意國風情!
 
部分食物做完會即刻放入保溫櫃內。
 
【日本郵輪假期vol.4】體驗郵輪意國風情!
 
而且非常講求環保,所有垃圾都會分類好!食完野,當然要做下運動,除左室內泳池之外…
 
【日本郵輪假期vol.4】體驗郵輪意國風情!
 
當然唔少得室外泳池!
 
【日本郵輪假期vol.4】體驗郵輪意國風情!
 
 
泳池位於11樓,總共有2個全日開放嘅泳池同4個按摩浴缸,朝早起身去泳池遊吓水或喺池邊吸收下日月精華,真係好chill。
 
【日本郵輪假期vol.4】體驗郵輪意國風情!
 
其實泳池邊仲設立咗條慢跑徑,等乘客可以邊跑邊望住個無敵海景,享受陽光與清風。
 
【日本郵輪假期vol.4】體驗郵輪意國風情!
 
郵輪靠岸嘅時候大家都趕住落船,所以會少咗好多人,呢個時候嚟分分鐘可以包起成座池!
 
【日本郵輪假期vol.4】體驗郵輪意國風情!
 
到咗夜晚,你會發現原來郵輪每日都夜夜笙歌,根本唔愁無節目!每晚你番到房,就會發現床上放咗本Daily Program小冊子,列出當日所有表演或節目嘅時間,地點等,你就可以揀你有興趣嘅去。
 
【日本郵輪假期vol.4】體驗郵輪意國風情!
 
當日就有來自美國Las Vegas出晒名扮Michael Jackson扮得似既Christoff表演,表演尚算精彩,不過似唔似MJ就見仁見智~
 
【日本郵輪假期vol.4】體驗郵輪意國風情!
 
除次之外,因為Costa強調自己係Italy At Sea,希望大家可以體驗到意國風情,所以安排咗節目例如意大利廚師示範煮意粉、意大利歌劇表演、意大利土風舞、奇幻馬戲團、威尼斯嘉年華party等等,甚至可以同意大利captain跳舞!(不過大家都睇到片中嘅我失敗咗…T.T)
 
【日本郵輪假期vol.4】體驗郵輪意國風情!
 
睇完show,可以喺到邊享受音樂邊同朋友飲cocktail。
 
【日本郵輪假期vol.4】體驗郵輪意國風情!
 
付款方面,郵輪唔收現金,所有消費都係直接用Costa卡扣除美金。至於wifi,靠岸時嘅wifi係免費的,但船一行駛到海上,wifi就要收費了,價錢大概係28美金/3個鐘,個人認為無乜必要增值,上得架船,不妨放低電話,專心享受旅程。其實搭郵輪最好玩嘅位係,你可以選擇跟住郵輪嘅航線玩,或者留喺船上chill,一覺訓醒就到達唔同地方。而且喺船上亦好容易識到來自世界各地嘅朋友,擴闊自己眼界同人際關係,呢啲都係搭飛機唔會有嘅機會。
 
雖然郵輪部份就介紹完,但成個旅程入面,我仲有幾個景點都想分享俾大家,記得繼續留意我嘅blog喇!
 
重溫之前行程: