日本人氣手機遊戲首度推出海外商店 《怪物彈珠》空降朗豪坊!

日本人氣手機遊戲首度推出海外商店 《怪物彈珠》空降朗豪坊!

 
如果有玩開日本手機遊戲嘅話都應該有聽過《怪物彈珠》㗎喇!自2015打入香港市場起,呢隻app喺全世界嘅下載人次已經突破3600萬!今次呢隻遊戲仲選係香港推出首間海外嘅商店「怪物彈珠 Pop-up Store Hong Kong Station」,於1月21日起至2月19日喺旺角朗豪坊9樓嘅香港Namco Wonder Park夢幻世界就可以見到各款本土獨有嘅商品,好多都係香港區限定人氣角色商品嚟架!

 

一齊睇下有咩特別商品先啦!第一次係海外推出精品,今次官方主題就係獸神化角色:

 

全球獨家推出 香港限定嘅《怪物彈珠》圓形咕?(HKD$150)
共三款,分別係超人氣嘅「南丁格爾」、「達太喵」同「加百列」,真係好好攬架!
日本人氣手機遊戲首度推出海外商店 《怪物彈珠》空降朗豪坊!
 
日本人氣手機遊戲首度推出海外商店 《怪物彈珠》空降朗豪坊!
▲女神張秀文都話最中意南丁格爾咕?呀~
 
《怪物彈珠》角色襟章(HK$25)
共十款,講《怪物彈珠》又點少得抽嘢元素呢!今次10款襟章包括6星嘅大理花、坂本龍馬、達文西、5星嘅凱等等,不過抽唔抽得中你想要嘅就真係睇你人品如何喇!(小編想要凱同龍馬,但抽到亞瑟…)
日本人氣手機遊戲首度推出海外商店 《怪物彈珠》空降朗豪坊!

 

《怪物彈珠》鑰匙扣(HKD$60)
共五款,我覺得係fans就必買啦!真心做得幾靚~全部都係人氣獸神祭嘅角色嚟㗎!包括達太喵、加百列、路西法、南丁格爾同坂本龍馬!
日本人氣手機遊戲首度推出海外商店 《怪物彈珠》空降朗豪坊!

 

其他精品仲有香港限定嘅杯、八達通卡貼、環保袋、文件夾同T-shirt,全部都非常精美。買夠150蚊送螢幕擦、買滿港幣200蚊就送角色造型環保袋!粉絲千祈唔好錯過喇~
日本人氣手機遊戲首度推出海外商店 《怪物彈珠》空降朗豪坊!
 
買完唔好即刻走住~呢度仲有好多影相位畀粉絲check-in!例如呢個極運角色佈景板,仲可以同最新獸神化角色影相!(聽講仲係極密情報嚟架!)
日本人氣手機遊戲首度推出海外商店 《怪物彈珠》空降朗豪坊!
 
今次小編有幸參加首日開幕活動,見到XFLAG Studio嘅海外運用部部長大崎敦士先生話嚟緊香港區嘅《怪物彈珠》將會同《火鳳燎原》作者陳某合作推出本土嘅Crossover,真心興奮!
 
日本人氣手機遊戲首度推出海外商店 《怪物彈珠》空降朗豪坊!
▲大崎敦士先生仲話嚟緊都會一路upgrade香港區嘅版本,務求一路滿足各位香港粉絲玩家。
 
日本人氣手機遊戲首度推出海外商店 《怪物彈珠》空降朗豪坊!
▲另外仲見到好索嘅張秀文!原來佢都好中意玩《怪物彈珠》,仲話最中意南丁格爾㖭!
 
「怪物彈珠 Pop-up Store Hong Kong Station」開放詳情
日本人氣手機遊戲首度推出海外商店 《怪物彈珠》空降朗豪坊!
日期:VIP優先場:2017年1月19日 – 2017年1月20日
正式公眾開放:2017年1月21日 – 2017年2月19日
時間:早上11時 – 晚上11時

地址:旺角朗豪坊9樓03-1號舖 Namco Wonder Park 夢幻世界朗豪坊店