[新鮮出爐]《蠟筆小新》期間限定cafe 試食報告

[新鮮出爐]《蠟筆小新》期間限定cafe 試食報告

各位「忽必烈」嘅子民啊!來自屁屁星嘅蠟筆小新25周年期間限定cafe已經係前兩日開左幕啦(做到5月29號),你地仲唔快d著返條褲,呀唔係,係除左條褲嚟朝聖!(大誤)
 
[新鮮出爐]《蠟筆小新》期間限定cafe 試食報告
一抬起頭,見到勁大個「2.5 SPINNS」logo就岩啦!因為今次個期間限定cafe係由原宿「2.5 SPINNS」同蠟筆小新合作搞㗎~
唔通係因為要慶祝《蠟筆小新》25周年,所以專登同同樣都係2+5嘅「2.5 SPINNS」合作?~~(不負責任聯想kk)
 
[新鮮出爐]《蠟筆小新》期間限定cafe 試食報告
開幕第一日,我12點半黎到cafe樓下,以為實有好多人排隊啦,點知條龍都唔係好長咋喎,LUCKY!!!
 
[新鮮出爐]《蠟筆小新》期間限定cafe 試食報告
一入到去,嘩嘩嘩D枱布好靚呀,小新們仲要著到成個潮童咁,好搞鬼!
 
[新鮮出爐]《蠟筆小新》期間限定cafe 試食報告
睇下個menu先~
主食有6款,不過最底個三款就咁插枝小新旗仔係到就算數,好似冇咩誠意咁喎!所以我都係叫咗個「不理不理左衛門吉列豬扒定食」,再加個「整我出黎啦!有得玩又有得食奄列飯」(不負責任菜鳥翻譯)
大家見唔見到依兩個餐各自有兩個價錢?貴d個個就係連埋一個期間限定小新cafe杯比你,咁我就整係要埋個杯啦!
 
[新鮮出爐]《蠟筆小新》期間限定cafe 試食報告
D杯有4個款,我好想要最左?個「GATSBY頭小新」同埋右二個個「動感超人外套小新」!可惜冇得揀……
 
[新鮮出爐]《蠟筆小新》期間限定cafe 試食報告
唉唉唉,都估到冇得揀冇好野(街市買餸咩)!出現係我眼前嘅係兩隻一模一樣嘅杯,而且仲要唔係我想要?兩個……
 
[新鮮出爐]《蠟筆小新》期間限定cafe 試食報告
唉真係冇眼睇呀!唯有將其中一個擰轉面,變到好似兩個唔同嘅杯咁啦……(between好彩今次cafe個logo都幾靚仔啫!)
 
[新鮮出爐]《蠟筆小新》期間限定cafe 試食報告
等呀等呀等,等都花兒也謝了(幾乎等左半個鐘,仲耐過我排隊入黎!),兩個餐終於都到啦!
點解依個餐叫做「整我出黎啦!有得玩又有得食奄列飯」呢,就係因為佢頂帽、粗眉毛同煲呔都係分開另上嘅,大家可以自己幫小新裝身!
 
玩完一輪,終於打好晒卡呃晒like,開始食啦~嘩不得了呀,依個奄列飯係勁勁勁好食!
個蛋皮唔係好薄,有少少厚度得黎唔會又乾又硬,而係「滑劣劣」、軟綿綿,有少少蛋汁同香噴噴嘅蛋味!
小新個樣係一張米紙,食落冇咩味,同埋d蛋同飯一齊放入口就得~~~珍珠米非常有咬口,又未至於硬嘅地步,好岩我胃口!(鐘意食軟飯嘅可能就唔係咁岩啦。)而成個飯嘅精髓就係在於d白汁!香濃嘅忌廉芝士汁唔會好杰,癡實你個口,又唔會食到你好滯,搞到你食唔落其他野。唯一不足就係少得滯,我想要多d、多d、再多d!總括嚟講依個飯絕對係驚喜之作,叫啦叫啦叫啦!
 
[新鮮出爐]《蠟筆小新》期間限定cafe 試食報告
跟住就到依個「不理不理左衛門吉列豬扒定食」啦。首先,一眼望落去,搞錯呀有紅蘿蔔!扣分!咩個廚師唔知道我同小新係唔食紅蘿蔔、青椒、洋蔥、同蔥嫁咩!
豬扒唔錯,炸粉唔係好厚,咬落都鬆化,但又未去到驚為天人唔食唔得嘅地步。
至於個飯……我覺得唔係好好食。唔知係咪因為放耐左,變到有d硬,只好撈汁食啦。點知個汁又酸喎,所以最後只可以勉強比佢合格。
 
[新鮮出爐]《蠟筆小新》期間限定cafe 試食報告
好啦,d飯麻麻地就飲下個湯啦。個湯都唔差嘅,雖然食吉列豬扒配日式湯有少少怪,但個湯本身好足料,入面有少少豬肉令到個湯嘅味道比一般嘅麵豉湯鮮甜得多,腐皮同大根(白蘿蔔)又「索」晒d湯味,very nice~~
 
講漏左個沙津㖭,兩個餐d沙律醋都好 鬼 酸呀!如果佢係落胡麻醬就好啦,偏偏又落鬼咁多沙律油同沙律醋,唉。
不過見佢d菜同蕃茄都幾新鮮,加上我又5日都冇痾X……所以最後我都清晒d菜!

 
[新鮮出爐]《蠟筆小新》期間限定cafe 試食報告
食完飯就緊係要食甜品啦,唔好話我話,我相信黎得依到嘅人,十個有十個都會叫依個ぷりぷりプリン(puripuri purin,顫顫下布甸,食晒字呀!)小新屁屁出名又彈又滑,可以當佢非洲鼓咁打,又識得彈琴咁神奇,所以我都對依個布甸有好大期望!
 
[新鮮出爐]《蠟筆小新》期間限定cafe 試食報告
食之前,lam返啖先啦~(謎之聲:嗚呀好重口味!)
重口味?岩岩相反,我覺得個布甸冇咩味!好在佢比咗樽類似焦糖味嘅布甸汁我地(係呀,稀到我唔會當佢係醬囉!),即刻倒晒落去,有返d味,但係都唔係太啱重口味嘅朋友!
 
[新鮮出爐]《蠟筆小新》期間限定cafe 試食報告
除左個汁太稀唔夠味,成個布甸唔夠甜之外,最大嘅問題就係在於依個布甸嘅口感好「削」,完全冇彈性!講真,有邊個會想要一個一禁落去就崩壞嘅豆腐屁股?我所追求嘅係QQ彈彈嘅屁屁,拍落去隻手會感受到回彈,可以係上面跳彈床個仲幸福感覺!講到尾一個字,失望!
 
[新鮮出爐]《蠟筆小新》期間限定cafe 試食報告
跟住就黎到本人嘅好味推介啦!「Spinns西多士」個名普普通通(今次唔關我事呀佢個名真係咁嫁),造型又冇咩特別,除咗我地好似冇咩人嗌……呵呵,咁佢地就個個走晒寶啦!點解?因為依個西多士係成間cafe入面(應該話係我叫過嘅野入面)最最最好味嘅食物!
 
首先舊雪糕係蛋黃味(好似係,總之唔係雲呢嗱),濃厚香滑,夾埋西多士一齊食,好味到升天!凍冰冰嘅雪糕加埋熱辣辣嘅西多士,令我個口腔不停係冷靜與熱情之間來來回回……除左冰火二重奏之外,西多士條邊本身脆卜卜,d雪糕滲晒入中間芯個到,外脆內軟,食到我停唔到口!舊cream超級軟綿綿,入口即溶,又香又甜……夾埋d水果同西多士一齊食,有dd酸味中和一下,餓依C!(好想再食多次呀!)
 
[新鮮出爐]《蠟筆小新》期間限定cafe 試食報告
(死啦爆晒字啦,你地實無心機睇啦……我長話短說啦!)
依個小白綿花糖梳打都OK嘅,呃like一流,味道普通,唯一想提醒大家:入面個d苺千祈唔好食!酸到呀媽都唔認得!
 
[新鮮出爐]《蠟筆小新》期間限定cafe 試食報告
熱朱都ok嘅,正正常常。飲到尾小葵會跌落杯底,所以佢咪一副叫救命咁嘅樣囉(誤)kkkk
 
接落黎係精品區相集……
[新鮮出爐]《蠟筆小新》期間限定cafe 試食報告
價錢唔算平,不過都仲比得起!(廢話 ==)
 
[新鮮出爐]《蠟筆小新》期間限定cafe 試食報告
小白筆袋好得意!右邊係小新同不理不理左衛門嘅八達通套~
 
[新鮮出爐]《蠟筆小新》期間限定cafe 試食報告
唉,如果我一早見到有 600yen 一個杯,個餐就唔洗加個杯啦……(耿耿於懷中)
 
[新鮮出爐]《蠟筆小新》期間限定cafe 試食報告
咁大大大大個咕?都係2400yen!右上角個小新都話平到O咀!

 
[新鮮出爐]《蠟筆小新》期間限定cafe 試食報告
最吸引我嘅始終都係袋,夠晒實用!
 
[新鮮出爐]《蠟筆小新》期間限定cafe 試食報告
臨走記住同小新影張合照先好走呀!!!
 
想睇更多資料,可以上佢地個官網:
 
bye bye你條尾~bye bye你個屁屁~~